Accessibility links

якшәмбе, 4 декабрь 2016, Казан вакыты 02:53

İran atom qorallarında qullanıla torğan material citeşterüçe cihaz sızımnarın yäşerüe tuırndağı xäbärne kire qağa


İran atom qorallarında qullanıla torğan material citeşterüçe cihaz sızımnarın yäşergän digän xäbärne İrannıñ yuğarı räsmie kire qağa. Uzğan atnada Xalıqara Atom Energiäse İdaräse belgeçläre uran bayıtu sentrifugalarınıñ idarädän yäşerelgän sızımnarın taptı dip xäbär itelgän ide. İran Däwlät İminlege Yuğarı Şurasınıñ tışqı mönäsäbätlär öçen cawaplı wäkile Xösäin Musavian İrannıñ Hämşähri gazetına agentlıq başlanğıç däräcädäge bu sızımnar turında xäbärdär ide dip äytkän. Uzğan atnada AQŞ däwlät departamentı İrannı atom programmaları turındağı mäğlümätlären yäşerüdä ğäyepläde. Däwlät Departamentı İrannı atom qoralı yasaw niätennän baş tartmawda ğäyepläde. İran isä atom qoralı yasarğa cıyınuın daimi räweştä kire qağıp kilä. Uzğan yılnıñ üktäber ayında ul üzeneñ atom qorılmaların teläsä qaysı waqıtta kilep tikşerüne röxsät itte.

XS
SM
MD
LG