Accessibility links

җомга, 2 декабрь 2016, Казан вакыты 22:57

Yevropa Berlege wäkilçelege Äfganstanda saylawlar häm iminlek mäsäläläre turında söyläşülär alıp bara


Yevropa Berlegeneñ yuğarı däräcädäge wäkilçelege bügen Qabulğa kilde. Ber könlek säfärneñ köntärtibendä törle mäsälälär belän berrättän saylawlar tora. Berlek iminlek ölkäsendäge citeşsezleklär şulayuq tawış birüçelärneñ bik azınıñ ğına terkälgän buluı säbäple iyün ayı häm prezident häm parlament saylawları öçen bik irtä waqıt dip işarä itte inde.

Yevropa Berlege räsmiläre Äfganstanda iyün ayı öçen bilgelängän prezident häm parlament saylawları kiçekterelergä tieş tügel mikän digän sorawlar quya. Berlek Qabuldan çittä iminlekneñ tämin itelmägän buluına här daim işarä itä. Ul şulayuq tawış birergä xoquqlu 10million äfganlınıñ 600meñe genä terkälgän dip belderä. Yevropa Berlege BMO küzätüendä terkälü eşen tizlätü kiräger ide yuq isä iyündäge saylawlarda öfgan xalqınıñ zur öleşe qatnaşmayaçaq dip belderep kilä.Menä şul säbäplärdän äfgan citäkçeläre belän intensiv söyläşülär alıp baru mäqsatında Berlekneñ yuğarı däräcädäge tärkeme Qabulğa kilde.Törkemne İrlandiä tışqı eşlär ministırı Brian Cowen häm Bloknıñ tışqı mönäsäbätlär komissionerı Chris Patten citäkli. Berlekeneñ tışqı säyäsät koordinatorı Javier Solana kiçä Brüsseldä tawış birüne soña qaldıru bälkim dä mömkin bulır ämma şulayda tizlektä ütkärelergä tieş dip äytte Solana süzlärençä (audio) Konstitutsiä tämamlanğannan soñ bez prezident Qarzai belän saylawlarnıñ waqıtı turında söyläştek.Saylawlarnıñ ber öleşen kiçekterep bula Bez prinsıpta häm prezident häm parlament saylawların bergä ütkärergä telär idek.Ämma qalğan waqıt eçendä ikesen bergä ütkärü mömkin tügel kebek .Bälkim dä bügen İlbaşı Qarzai işarä itkän kebek prezident saylawları ütkäreler.Ämma här xäldä dä bez saylawlar ütkärü öçen iminlek şartları buldırırğa tieşbez. Tizlektä bulsa yaxşıraq. Solana Äfgan konstitutsiäse kiçekterügä röxsät itä, ämma saylaw turındağı qarar iyündä birelergä tieş dide. Berlek räsmiläre , NATO citäkçelegendäge İSAF totrıqlandıru köçläre häm AQŞ citäklägän koalitsiä xärbiläreneñ aktivlığın saylawlardan elek häm saylawlar waqıtnda iqtibar çälep itäçäk räveştä arttırunı täğdim itä.NATO general sekretarı Jaap De Hoop Scheffer, berektäşlek hiç bulmağanda prezident saylawların iyündä ütkärüne garantiälärgä teli dide.(audio) Belgänegezçä min ütkän atnada Prezident Qarzai belän oçraştım. Älbättä ul prezident saylawlarınıñ ütkärelüen teli.Bez NATO yağınnann İSAFnıñ ni däräcädä saylaw protsesın yaqlıy alaçağın qarıybız.Äytkännäremä iqtibar itegez ! İSAF här urında saylaw protsesın yaqlıy almıy. Ämma bez NATO şurasında İSAF ni eşli ala digän mäsäläne tikşeräçäkbez. dip äytte NATO general sekretarı.Yevropa Berlege küpçelege yevropa illäre xärbilärennän torğan İSAFnıñ çığımnarı turında da uylarğa tieş. Xärbi çığımnar 2 belän 3 milliard yevro arasında . Almannar citäklägän qısqartılıp PRT dip yöretelgän töbäklärdäge rekonstruksiä törkemnäre öçen yılına 500 million yevro tülärgä turı kilä. Berlek 2007nçe yılğa qädär Äfganstanda yılına 200million yevro sarıf itäçäk. Sonğı 2 yılda ul bilgelängän summanı ütep kitte. Östämä çığımnar yevropanıñ budjet defitsitı belän köräşkän küp kenä illäre öçen yök.5meñ keşedän torğan İSAFqa östämä ğäskärilär tabu da qıyınlaştı. Rekonstruksiä eşlären alıp barğan PRTne iminlek häm narkotikağa qarşı köräşkä qatnaştıru ber çara bulır ide. Ämma Berlin närsä äyter mikän bu eşkä?.Yevropa Berlege Äfganstanda çäçäk atqan äfyün säwdäsenä nıq borçıla. Yevropada satılğan geroinnın 90%tı Äfganstannan . Cirle komandirlar narkotikadan kergän aqça belän xosusi armiälären finansiäläp,Qabuldağı üzäk xökümätneñ xakimiäten qaqşata.

färidä xämit, praga
XS
SM
MD
LG