Rusiä tışqı eşlär ministrı İgor' İvanov Rusiä Çeçnäne tözekländerü öçen Yewropada İminlek wä Xezmättäşlek oyışması belän bergä eşlärgä äzer dip belderde.
2002-nçe yılda Mäskäw bu oyışmanıñ Çeçnädäge eşçänlegen tuqtatqan ide.
İvanov bügen Mäskäwdä oyışmanıñ almaş citäkçese, Bolğarstan tışqı eşlär ministrı Solomon Pasy belän oçraştı.
Pasy Rusiäneñ Yewropada İminlek wä Xezmättäşlek Oyışması belän bergä eşläw telägen xuplasa da, moğcizalar kötärgä kiräk tügel dide.
Çeçnädä 4 yıl däwam itkän suğıştan soñ da Rusiä köçlärenä qarşı höcümnär bulğalap toruğa qaramastan, Mäskäw anda tormış normal'läşä bara dip täqrarlıy.
