Bügen Rusiä Belarusqa gaz cibärüen tuqtattı. Rusiäneñ TransNafta şirkäte räsmiläre äytüençä, bügen irtän alar, aladan kileşengän soñğı öleşne cibärep betergän. Rusiäneñ tağın 2 şirkäte – Gazprom belän İtera – Belarusqa gaz cibärüne elegräk tuqtatqan ide. Minski belän Mäskäw bäyä mäsäläsendä kileşügä ireşä almadı. Rusiä şirkätläre gaznı yuğarıraq bäyägä satırğa teli. Monnan tış Gazprom Belarusnıñ Beltransgaz şirkäten satıp alırğa teli. Belarus prezidentı Aleksandr Lukaşenka, Gazprom täqdim itkän 1 milliard dollarnı bik arzan bäyä dip atadı.
