Accessibility links

Кайнар хәбәр

Gazprom Belarusqa tabiğı gaz qudırunı yañarttı


Gaz torbaların kontrol'dä totuçı Gazprom Rusiäneñ TransNafta tabiği gaz çığaru şirkäte belän Belarus arasında waqıtlı kileşü imzalanğannan soñ Belarusqa gaz cibärä başladı. Bu kileşü nigezendä, TransNafta ay axırına qädär Belarusnı meñ kubotmetrı 46 dollar 68 sent bäyädän gaz belän tä'min itep toraçaq. Kiçä Gazprom Belarusqa gaz qudırunı, şul isäptän Pol'şa belän Germaniägä dä Belarus aşa gaz cibärüne tulısınça tuqtatqan ide. Kiçä Belarusqa gaz cibärüne tuqtatqan Gazrpom belän İTERA şitkärlärenä TransNafta da quşıldı. Bu gaz şirkätläre moñarçı ğämäldä bulğan kileşülärneñ möddäte tämamlandı dip yaña kileşülärne yuğarıraq bäyädän tözergä teläwlären belderde. Bügen Belarus prezidentı Aleksandr Lukaşenko Rusiäne terrorçılıqta ğäyepläp, energetika ölkäsendä tulısınça diärlek Rusiä gazına bäyle Belarus Rusiä quyğan şartlarğa rizalaşırğa mäcbür buldı dide. Lukaşenko şulay uq, Belarus üz cirläre aşa gaz qudıru bäyälären dä arttırıp, Ukraina quyğan bäyälärgä tiñläşterergä teläwen belderde. Belarusnıñ tranzit bäyäläre xäzergä meñ kubometr gazğa 50 sent bulsa, Ukrainanıqı 1 dollar 9 sent.
XS
SM
MD
LG