Accessibility links

якшәмбе, 4 декабрь 2016, Казан вакыты 11:14

BMO general' sekretare Kofi Annan belän anıñ yuğarı wäkile Laxdar Brahimi Ğiraqta yaqın aylarda saylawlar ütkärü mömkinlege turında söyläşä


Bügen BMO general' sekretare Kofi Annan üzeneñ Ğiraqtağı yuğarı wäkile Laxdar Brahimi belän oçraşıp, anda xakimiätneñ amerikalılardan ğiraqlılarğa küçüenä qädär saylawlar ütkärü mömkinlegeneñ ni däräcädä buluı turında söyläşä. Oçraşu aldınnan Brahimi bolay dide:

AUDİO: Wäzğiät qatlawlı. Ğiraqlılar BMOğa bik ışana. Häm şiksez, BMO tırışaçaq häm yardäm itäçäk.

AQŞ 30-nçı iyüngä xakimiätne ğiraqlılar qulına tapşırırğa cıyına. Ämma Ğiraqtağı yaña xökümätne niçek oyıştıru mäs'äläse äle haman da bäxäsle kileş qala. Ğiraqta küpçelekne täşkil itüçe şiğilar saylawlar ütkärüne taläp itsä, Quşma Ştatlar 30-nçı iyüngä qädär anda ilküläm saylawlar ütkärü mömkin tügel dip täqrarlıy. Bügen Annannıñ saylawlar ütkärü zarur, ämma iyün axıyına qädär ğädel saylawlar oyıştırı mömkin bulmayaçaq digän konsensus tabılu mömkinlege turında äytüe xäbär itelä. Bügen Ğiraqnıñ Xaldiä şähärendä ğisyançılar yulğa quyılğan bomba şartlatıp 2 amerikan soldatın häm 1 ğiraqlını üterde.

XS
SM
MD
LG