Accessibility links

Кайнар хәбәр

Malayziä politsiäse Paqstannıñ atom belgeçe Abdul Qadir Xan uran bayıtu cihazın İranğa, Paqstan uranın Liviägä satqan bulırğa oxşağan dip belderde.


Politsiä äytüençä, bu mäğlümät Sri Lankalı Boxari Säid Äbü-Tahirdan soraw alu näticäsendä alınğan. Quşma Ştatlar äytüençä, bu keşe Xannıñ röxsätsez xalıqara atom säwdäse çeltärendäge aradaşçı bulğan. Elegräk Xan Paqstannıñ atom serlären çitkä satqanlığın tanığan ide. Politsiä belderüençä, Tahir 1994-nçe 95-nçe yıllarda Xan miña atom bayıtu sentrifugasınıñ qullanılğan kisäkläre tutırılğan ike konteynernı İranğa cibärergä quştı dip äytkän. Tahir şulay uq, Liviä 2001-nçe yılda Paqstannan bayıtılğan uran aldı dip äytkän. Malayziä räsmiläre äytüençä, alar Tahinı qulğa alırğa cıyınmıy, çönki ul ilneñ qanunnarın bozmağan. Tahir Malayziädä yäşi.
XS
SM
MD
LG