Jeneva, Bagdad. Xalıqara Qızıl Xac/Qızıl Ay cämğiate wäkilläre bügen, ber tabibtan häm ğäräp tärcemäçesennän torğan törkemneñ elekke Ğiraq citäkçese Saddam Xösäenne barıp kürüe xaqında xäbär itte. Oyışmanıñ Jenevadağı wäkile Antonella Notari süzlärenä qarağanda, alar Saddamnıñ sälämätlege häm ruxi xälen tikşergän, añardan ğailäsenä xatlar alğan häm kiläçäktä dä şundıy tikşerülär üteneçe belän çıqqan. "Bez bu oçraqta Saddam Xösäenne üz küzlärebez belän kürdek, anıñ kemlegen açıqladıq, cämğiatebez aşa ğailäsenä xat yullawnı täqdim ittek häm ul monı qabul itte, ğailä äğzalarına xäbär cibärde" dip belderä Qızıl Xac/Qızıl Ay cämğiate wäkile Notari. Saddamnıñ elekke Ğiraqta qorallı köçlär başlığı buluı säbäple Quşma Ştatlar anı suğış äsire dip iğlan itkän ide.
