Aljir. Prezident Ğäbdelğäziz Bouteflika, aprildä uzaçaq saylawlarda qatnaşıp, xäzerge urınında ikençe märtäbä dä qalırğa cıyınuın belderde. 1999-nçı yılğı tawış birüdä Bouteflika, başqa nämzätlär xärämläşülärgä zarlanıp saylawlarda qatnaşudan baş tartqannan soñ tawışlarnıñ 70 protsentın qazanğan ide. Soñğı aylarda ul ilneñ törle töbäklärenä yöri başladı, anıñ şuşı säfärläre ildäge berdänber däwlät telekanalında uñay yaqtan ğına yaqtırtılıp kilä.
