Accessibility links

Кайнар хәбәр

Matbuğat küzätüe


Tatarstan yäşläre gazetasınıñ soñğı sanında Watannı saqlawçılar könenä bağışlanğan maxsus bit çıqqan. Ul Ür-rä qat dip atala. Bitneñ kereş süzendä mondıylar da bar. Bügen yäşlär arasında armiägä baru tügel, ä barmıy qalu populyarlıraq. Qorallı köçlärdä tärtip kersä, reforma tieşle däräcädä ütsä, xärbilärneñ abruyı üsep kitsä, bälki yäş buında patriotlıq xisläre dä yañadan dörli başlar, dip äytelä Tatarstan yäşläre gäcitendä. Patriotlıq xise, soldatqa baru-barmaw, xezmät itügä öyränü, qaçu-qaçmaw turında Aznaqay rayonınıñ Ursay awılı uqıtuçısı Robert Zaripov yaza. Şul uq bittä soldat anaları, Ukraina, Amerika ğäskäriläre, al'ternativ xezmät turında yazmalar bar. Ä räsmi - Watanım Tatarstan, Respublika Tatarstan gäcitlärendä premyer-ministr Röstäm Miñnexanovnıñ Watannı saqlawçılar köne belän täbrikläwe basılğan. Şulay uq alarda Mayskiy sovxozınıñ yubileyı xaqında da yazmalar bar. Qış urtasında yäşelçä-cimeşlärne şaqqatırıp üsterä torğan bu xucalıqqa yal könne Mintimer Şäymievta barıp qayttı. Bu xaqta kiläse tapşıruıbızda sezgä söylärbez. Watanım Tatarstan gäcitendä Bawlıda ütkän avtomobil' uzışları turında mäqälä bolay dip atala - Bawlı prizın premyer-miistr yawladı. Şul uq gäcittä zamanında Tübän Kamada milli eşlärgä zur yärdäm itkän Mäsğüt Sibğätov, kompozitor Sara Sadıkova turında Fänzaman battalnıñ zur ğına yazması urın alğan. Şähri Qazan, Tatarstan yäşläre gäcitläre şimbä könne bilgeläp ütelgän Xalıqara ana tele könenä bäyle yazmalar bastırğan. Rus telendä çığar torğan gäcit - Vostoçnıy ekspress - saylawlarğa äzerlek, törle firkälärneñ tartqalaşuı xaqında kisken häm qızıqlı yazmalar urnaştırğan. Şulay uq anda kriminal xäbärläre dä urın alğan. Krasnıy Vostok sıra şirkäteneñ elekke citäkçese Aybat Aybatovnı atıp üterüçe xäzer xökem eskämiäsendä. Üterüçe bar, ämma zakaz birüçe qaydadır İspaniädä yal itep yöri dilär. Vostoçnıy ekspress zakazçınıñ da qulğa alınuı turında xäbär itä. Läkin İspaniä anı Rusiägä tapşırırmı, yuqmı - xäzergä bilgele tügel. Ataqlı şaxmatçı Garri Kasparov Tatarstan komandasında çığış yasağan öçen tieşle aqçanı haman almağan ikän. Tatarstannıñ Kasparov qarşındağı burıçı turındağı yazma da şul uq gäcittä urnaşqan.



Gölnaz İlgizär

XS
SM
MD
LG