Accessibility links

җомга, 9 декабрь 2016, Казан вакыты 07:06

Dönya Mäxkämäse İzraelneñ iminlek diwarı turında tıñlawlar başlattı


İzraelneñ Yordannıñ könbatış yarında fälästinnär belän izraellelärne ayıru öçen tözegän iminlek diwarınıñ qanunilege turında bügen Haagada Xalıqara Mäxkämädä 3 könlek tıñlawlar başlandı.Mäxkämä bu mäsälä turında BMO Ğomumi Mäclesenä kiñäş biräçäk.

Şul bäxäsle diwarnı İzrael 2 yıl elek tözä başladı. İzrael kiçäge kebek fälästin intixar terrorçılarınıñ ütep kerüen tuqtatu öçen diwar zarur dip belderä. Kiçä intixar terrorçı şähäreçe abtobusında üzen şartlatıp 8keşeneñ ülemenä säbäp buldı. İzrael tışqı eşlär ministırlığı räsmie Daniel Shek bügen(audio) Diwar höcümçän dä üterüçän dä tügel, saqlanu öçen kürelgän, alıp taşlap bula torğan waqıtlı çara şulay da wazıyfasın bik yaxşı başqara.Ägär dä kiçä Yerusalemneñ äyländerep alğan diwar bulsa ide ,bügen 8 balabıznı kümmäs idek dip äytte. İzrael diwarğa keşe tormışın saqlap qaluçı qoral dip qarasa, Fälästinnär planlaştırılğan 700 çaqırımlıq bariyera okupatsiä astındağı territoriälärdän cirne legal bulmağan räweştä talap alu ,diwar bezgä bik küp cafa ,kiterde,igençelärne tufrağınnan , ikençelären eş urınnarınnan ayırdı dip belderä.Qızıl xaç häm Amnesty İnternational ütkän atnada diwar xalıqara humanitar zakonnı şul sanda , okupatsion köç İzrael Jeneva konvensiäseneñ 4nçe maddäsen boza dip belderde. Dönya Mäxkämäse dip dä yöretelgän häm däwlätlär arasındağı xoquqı nizaqlarnı çişüçe mäxkämädä bügen yaqın könçığıştağı şul bäxäs turında tıñlawlar başlandı.Fälästinnärneñ BMOdağı wäkile Nasser al Kidwa berençe bulıp 15 xakimdän torğan şura aldında çığış yasap bolay dide(audio) Diwar ägär dä tözelep betsä ,fälästinnärne Könbatış yarınıñ ber yağında ber qaya da elemtäse bulmağan diwar belän ürelgän zonada qaldıraçaq.Ul İzrael-Fälästin konfliktın ike däwlät oyıştıru belän xäl qılu imqäniäten yuqqa çığara. Dikäber ayında BMOnıñ ğomumi mäclese mäxkämägä möräcägät itep diwar tözüneñ legal näticäläre turında üzenä kiñäş birelüen soradı.Mäxkämä biräçäk kiñäşlärne ğämälgä quyu şart tügel..Ämma anıñ qararı diwarğa qarşı buluçı illärne qıyulandıraçaq, xätta İzraelgä xalıqara sanksilärneñ quyuluı da mömkin. Londonda Könçığış häm Afrika Tikşerüläre institutında xalıqara xoquq profesorı Lain Scobbie Bolay dip söyli(audio) Kiñäşlärneñ ütälüe şart tügel. Yäğni mäxkämäneñ nindider oyışmağa birgän mäslixäte qabul itelergä tieş digän süz tügel . Şulay da xalıqara mäxkämäneñ kiñäşlärenä, ğomumän qanun iğlan itü kebek qarala.Çönki alar qanunğa nigezlängän häm legal pozitsiäne kürsätep tora. Öç könlek tıñlawlarnıñ üze bäxäsle eş. Çönki İzrael mäsälä politik motivlı bu eş Haaga mäxkämäse yurisdiksiäsendä tügel dip tıñlawlarğa qatnaşunı kire qaqtı.Premier Ariel Sharon ütkän atnda (audio)Dönya tsinizmına ,ike yözlelegenä keşe tormışın saqlaw öçen tözelgän diwar turında Haagada xalıqara mäxkämädä politik diskusiälär ütkärü qararınnan yaxşıraq ürnäk bula almıy, dip äytte. AQŞ häm yevropanıñ küp kenä illäre tıñlawlarğa qarşı . Alar tıñlawlar näzberek yaqın könçığış prosesın qatmarlandıra ala digän argument alga sörä. Mäxkämä kiläse 3 köndä tik diwarğa qarşı buluçılarnıñ ğına fikerlären tıñlayaçaq. Profesor Scobbie süzlärençä , xalıqara mäxkämä politik diskussiälärne tıñlayaçaq digän ğäyepläw berençe märtäbä genä beyan itelmi, mäxkämä här waqıt andıy argumentlarnı kire qaqtı, çönki ul här törle xalıqara bäxäsneñ politik täsire bar digän qaraştan çığıp eş itä. Mäxkämä diwar turında nindi kiñäş biräçäk , bu aylardan soñ ğına bilgele bulır, ämma anıñ ber nindi dä mäslixät birmäwe dä mömkin

färidä xämit,praha
XS
SM
MD
LG