Accessibility links

шимбә, 3 декабрь 2016, Казан вакыты 09:50

Yevropa Berlege İranda uzğan saylawlarğa täñqit belderde


Yevropa Berlegeneñ tışqı eşlär ministrları bügen İran, Rusiä häm Yaqın Könçığış mäs'älälären tikşerer öçen Brüsseldä cıyıldı. Britaniä tışqı eşlär ministrı Jack Straw comğa könne İranda uzğan saylawlarğa täñqit belderde, anıñ näticäse döres tügel, dip östäde. Yevropa Berlege belän İran arasındağı berençe kileşü tözü mäs'äläsendä söyläşülär kiçektereler dip kötelä. Yevropa Berlege Xalıqara Atom Energiäse Agentlığınıñ İrannıñ üz wazifaların ütäwe turında xisabın kötä. Cıyınğa kilgän tışqı eşlär ministrları şulay uq Rusiägä Yevropa Berlegeneñ yaña äğzaläre belän dä säwdä häm xezmättäşlek kileşülären tözüenä basım yasarğa cıyına. Qabul itelgän belderülär arasında – Serbiä häm Çernogoriä turındağısı bar. Yevropa Berlege räsmiläre bu ilgä könbatış berlekkä quşılu şartların quya, atap äytkändä – säyäsi häm iqtisadi reformalar, Hague'tağı suğış cinäyätläre mäxkämäse belän xezmättäşlek itü.

XS
SM
MD
LG