Accessibility links

шимбә, 3 декабрь 2016, Казан вакыты 03:26

Yevropa häm Üzäk Aziä illäre sälämätlek saqlaw ministrları AİDSqa qarşı köräş yulların ezli


Yevropa häm Üzäk Aziädän 55 ilneñ sälämätlek saqlaw ministrları AİDS-SPİDqa qarşı köräş yulları turında kiñäşläşer öçen İrlandiä başqalasına cıyıldı. İrlandiäneñ tärräqiät ministrı Tom Kitt çığış yasap, Yevropa Berlegen bu çir belän köräşüne kontrol iter öçen ayırım ber keşene bilgelärgä çaqırdı. Berläşkän Millätlärneñ AİDS oyışması başlığı Peter Piot, bu töbäktä – HİV virusı dönyanıñ başqa illärennän tizräk tarala, dip belderde. Rusiä, Ukraina, şulay uq May ayında Yevropa Berlegenä kerergä torğan Estoniä belän Latviädä SPİD virusın yörtüçelär sanı bik yuğarı. Şulay uq Belarus, Moldova, Qazaxstan, Qırğızstan häm Üzbäkstanda virusnı yoqtıruçılar häm awırular küp, dip xäbär itelä.

XS
SM
MD
LG