Accessibility links

чәршәмбе, 7 декабрь 2016, Казан вакыты 19:37

AQŞ saqlanu ministrı Donald Rumsfeld Üzbäkstan prezidentı İslam Kärimov belän söyläşülär uzdıra


Amerikan saqlanu ministrı Donald Rumsfeld Üzbäkstan prezidentı İslam Kärimov häm iminlek räsmiläre belän oçraşır öçen bügen Taşkentqa kilde. Bu – Rumsfeldnıñ 2 yılda öçençe tapqır Üzbäkstanğa kilüe. Üzbäkstan tışqı eşlär ministrlığı xäbär itüençä, söyläşülär Üzbäk-Amerikan mönäsäbätläre, töbäktäge iminlek häm kürşe Äfğanstandağı wazğiät turında bulaçaq. Küptän tügel üzbäk räsmiläre Üzbäkstan, Khanabad hawa bazasın amerikannarğa ozaq waqıtqa qullanışqa birergä äzer, dip beldergän ide. Quşma Ştatlar bu bazanı Äfğanstandağı xärbi çaraları öçen qullana. Xalıqara keşe xoquqları oyışmaları Üzbäkstannı keşe xoquqların bozuda ğayepli. Şul ğayepläwlär nigezendä bulsa kiräk, Rumsfeldnıñ kilüe aldınnan ğına, ber möselman dissidentınıñ änisen irekkä çığarğannar, dip xäbär itelä.

XS
SM
MD
LG