Accessibility links

шимбә, 3 декабрь 2016, Казан вакыты 03:22

Dönya mäxkämäsendä İzraelneñ Könbatış Yarda tözelgän diwarı mäs'äläsendä tıñlawlar däwam itä


Berläşkän Millätlär Oyışmasınıñ Xalıqara mäxkämäsendä bügen ikençe kön İzraelneñ Könbatış Yarda diwar tözü eşe qaraldı. Utırışqa Jordaniä wäkilläre – İzraelneñ 700 çaqrımlıq iminlek diwarı fälestinnärneñ küpläp Jordaniägä kitä başlawına häm şunıñ belän patşalıqta totrıqsızlıqqa kiterä ala, dip belderde. Şulay uq Beliz, Kuba häm İndoneziä wäkilläre çığış yasap İzraelne xalıqara xoquqlarnı bozuda ğayepläde. İzrael premyer-ministrı Ariel Şaron bügen mäxkämädä barğan tıñlawlarğa ışanıçsızlıq belderde, mäxkämäne "xalıqara tsirk" dip atadı häm barriernı tözüne däwam itäçägen äytte. İzrael bügen diwarnıñ yaña 42 çaqrımlıq öleşen sala başladı. Tözeleşkä qarşı çıqqan fälestinnär belän İzrael köçläre arasında bäreleşlär bulğan, 10 keşe yaralanğan dip xäbär itelä.

XS
SM
MD
LG