Accessibility links

дүшәмбе, 5 декабрь 2016, Казан вакыты 17:44

Tatarstanda säysäsi kiñäşçelärğä eş barmı?




24 fivraldä, Qazan däwlät universitetında säyäsi konsalting turındağı konferensiä üz eşen başlap cibärde. Bu çara Qazan Däwlät universitetınıñ 200 yıllığı häm säyäsi konsul’tantlarnıñ hönär bäyrämenä bağışlap ütkärelä.



Säyäsi kiñäşçelär fikerençä, respublika xakimiätläre küppartiälelek şartlarında eşlärgä äle öyränmägän, ä «administrativ resursqa» tayanu – här waqıt tieşle näticä birmäskä dä mömkin. «Säyäsättän başqa mömkin tügel, teläsä närsädä säyäsät bar»-, dip äytte bezgä parlament räise urınbasarı Robert Miñnullin. Ul da bu konferensiäneñ eşendä qatnaştı häm parlament räise Färit Möxämmätşinnıñ sälämläw xatın uqıp birde.



Säyäsi kiñäşçelärgä ixctiyac, xäzerge saylaw aldı çorında, ayıruça arta. Firqälärgä niçek saylawçılar küñelen yawlarğa, nindi programma belän çığarğa, saylawçılarnıñ närsä kötkänen niçek belergä – bolar barısı da säyäsät fännäre belgeçläre, kiñäşçeläre eşe. Belgeçlär isäpläwençä, älegä respublikada saylawlar waqıtında xakimiät üze töp rol’ne uynıy. Yäğni administrativ resursqa ışana.



Parlament räise Robert Miñnullinnıñ qaraşınça, törle säyäsi qaraşta toruçı firqälär zamanı bezgä kiläçäk. Äle citmäsä, bu parlament saylawlarınnan soñ, üzidarä oyışmalarına da saylawlar bulaçaq. Şuña xalıqnıñ, saylawçılarnıñ säyäsi kul’turası artaçaq ale, dip sanıy belgeçlär.



Konferensiädä Duma saylawları näticäse, milli häm töbäk mäğlümat çaralarınıñ säyäsätkä tä’sire xaqında da notıqlar uqıldı. Qazan däwlät universitetında fännär doktorı Tatyana Morozova citäkçelegendäge säyäsät fäne kafedrası şul uq könne kiç saylawlarğa bağışlanğan tügäräk östäl ütkärde.



Konferensiä barğan waqıtta, Rusiä Prezidentınıñ xökümätne taratuı turında äle bilgele tügel ide, şuña, bu temanı säyäsi kiñäşçelär tikşerergä ölgermäde.



Bikä Timerova.

XS
SM
MD
LG