Accessibility links

чәршәмбе, 7 декабрь 2016, Казан вакыты 15:36

Garmunçılar bäygesenä soñlama


Soñğı könnärdä mädäniät ölkäsendäge yañalıqlar Tatarstannıñ Layış rayonında uzğan garmunçılar bäygesennän yañğıradı. Anda Fäyzulla Tuişev isemendäge bäygeneñ 2nçe turına Tatarstannıñ 5 rayonınnan kilgän 50 garmunçı iñ osta garmunçı isemen yawlar öçen köräşte. Ämma köräş äle 24nçe aprel'gä qädär däwam itäçäk. Çönki ul könne iñ osta garmunçılar, häm iñ yaxşı garmunçılar ansambl'läre Çistay şähärenä cıyılaçaq.Ä bügenge köndä aña äzerlek bara. Ni öçen bäyge Fäyzulla Tuişev isemendä digän sorawğa cawap itep şunı äytäse kilä: 19nçı ğasırnıñ azağında uq tuğan Fäyzulla Tuişev konsert garmunnarında uynaw ostası. Ul konsert eşçänlegen başlap cibärüçe tatar muzıkantlarınıñ berse. İnde 1939nçı yılda Fäyzulla Tuişev Bötensoyuz smotrı lawreatı isemen yawlıy. 1944nçe yıldan Tatarstannıñ xalıq artistı bulğan şäxes.

Ä bu bäygegä kilsäk : jyuri räise KDK professorı Sägit Xäbibullin. Şulay uq bäygene oyıştıruda cawaplı, Respublikanıñ fänni- mädäni üzäge baş belgeçe Färidä İbrahim qızı Kislyakova. Bez anıñ belän äñgämä qordıq. Xäzer şul äñgämäne sezgä täqdim itäbez.

“Konkursnı bez 3 turda alıp barabız. Berençe turı awıllarda , şähärlärdä uzdı. Menä inde ikençe tur däwam itä. İkense turnıñ öçençe zonası Layışta uzdı. Anda Balıq bistäsennän , Piträçtän , Yäzel Üzän şähärennän Tüläçidän kilgän ide 50dän артык ğarmunçılar. Garmunçılar ansambl'läre Atabaydan 4 keşe , ä Yäşel Üzännän kilgän garmunçılar ansamblendә 12 keşe uynadı. Öçençe tur 24nçe aprel'dä Çistayda uzaçaq. Uynawçılar arasında kübräk balalar häm olı yäştägelär. Ä urta yäşlärdäge ğarmunçılar bik az ”,- dide.

Sez Färidä Kislyakova belän äñgämä tıñladığız. Dimäk, äle Arçada , Yuğarı Oslanda , Qazanda iñ osta garmunçı bäygesendä teläwçеlär äle qatnaşa alalar .Çistay şähärendä uzası garmunçılar bäygesenä dä äle ölgerep bula. Anda sezne yaxşı büläklärdän dä bigräk matur bäygene qararğa kilgän tamaşaçı kötä.

Azatlıq radiosı Mälikä Basıyr, Qazan

XS
SM
MD
LG