Accessibility links

шимбә, 3 декабрь 2016, Казан вакыты 05:28

Çit il jurnalistları Tatarstan belän qızıqsına


Bu könnärdä Tatarstanda ber törkem çit il matbuğat çaralarınıñ jurnalistları buldı. Alar respublika, anıñ meñyıllıq başqalası – Qazan belän tanışıp yördelär. 25 fevral könne alar premyer-ministr urınbasarı Zilä Wälieva belän oçraştılar, aña üzlären qızıqsındırğan sorawların birdelär. Xäzer inde üz illärenä qaytıp, alar böten dönyanı Tatarstan häm qazanışları belän tanıştırır dip ömetlänäse genä qala. 26 fevral könne respublika Däwlät Şurasınıñ 21 plenar sessiäse eşläyäçäk. Ä çärşämbe könne isä deputatlar sessiägä äzerländelär, törle komissiälärneñ utırışların ütkärdelär. Äytergä kiräk, bu sessiä - älege çaqırılış deputatları qatnaşlığında soñğısı. Anda deputatlar 60 artıq soraw tikşerep ölgerergä tieş. Annan soñ alarnıñ qayberäwläre älege eşçänlege belän xuşlaşıp, üzlärenä yaña eş ezli başlayaçaqlar. Ä qaysıları – yaña Däwlät Şurasında eşlären däwam itär öçen 14 martta uzaçaq saylawlarğa nıqlap äzerlänä başlayaçaqlar. Xäyer, saylawlarğa alar ğına cıyınmıy. Respublikada säyäsi firkälär dä qul quşırıp utırmıy, üzläreneñ tarafdarlarınıñ sanın arttırırğa tırışa. Bigräk uñışlı itep bu yünäleştä Berdäm Rusiä eşli. Küptän tügel genä Kärim Tinçurin isemendäge tatar teatrı tulısınça diärlek Berdäm Rusiä firkäse rätlärenä kerde. Teatrda eşläwçe 44 Berdäm rusiäçegä partiä biletların firkäneñ respublika bülekçäse citäkçese Färit Möxämmätşin tapşırdı. Şuşı könnärdä Tatarstanğa Yevropada iminlek häm xezmättäşlek oyışmasınıñ xalıqara küzätüçeläre kilde. Alar Rusiä prezidentın saylawlar häm aña äzerlek niçek ütüen küzätälär. Barlığı Rusiädä 17 mondıy törkem eşli ikän. Saylawlarlar citäräk alarğa tağın berniçä keşe östäläçäk.



Gölnaz İlgizär

XS
SM
MD
LG