Accessibility links

җомга, 9 декабрь 2016, Казан вакыты 03:02

Yullar, yullar inde niçä yıllar...


25nçe fevral'dä Qazanda yul xucalığı xezmätkärläreneñ Ğomumrusiä kiñäşmäse açıldı. Älbättä kiñäşmä aldınıñ iñ töp intrigası-ul Rusiä xökümäteneñ wazifaları möddätennän alda tuqtatılğannan soñ tuğan wäzğiät. Kiñäşmägä Rusiä xökümätennän kem kiler? Läkin yul tözeleşendä eşlägän küptänge ber tanışım bu sorawnıñ alay uq intrigalı bulmağanıñ kiñäşmä başlanğançı uq Ğäliäskär Kamal teatrı vestibyulendä ük añlatıp birde. Kiñäşmägä aldan bilgelängänçä Rusiäneñ Transport ministrınıñ berençe urınbasarı İgor’ Slyunyayev kilmäyäçäk ikän. Alar inde mondıy waqıtta Mäskäwdän näçälniklär küz aldınnan yıraq kitmäskä tırışalar – dide tanışım. Çama çamadan yıraq kitmi ikän. Kiñäşmäne Rusiä Transport ministrınıñ ğadi ber urınbasarı Oleg Skvorsov açtı häm İgor Slyunyayevneñ kilä almawı öçen ğafu ütenep, kiñäşmägä uñışlar teläp yazğan möräcäğäten uqıdı. Kilä almawınıñ säbäbe dä şul yuralğança- ul federal' üzäk citäkçelege qatnaşaçaq Mäskäw-Vladivostok federal' avtomobil' yulınıñ Çita-Xabarovsk öleşen açu tantanasına bara ikän. Ğomumrusiä kiñäşmäsendä ikençe bulıp premyer-ministr Röstäm Miñnexanov çığış yasadı. Ul çığışında 2003nçe yıl näticäläre buyınça respublikanıñ sotsial'-iqtisadıy xälen uñay bäyäläde. Xätta soñğı waqıtta respublika da yul tözü tempları öçen kisken tänqitlängän Tatarstannıñ Transport häm yul xucalığı ministrlığı däräcäsen dä, böten Rusiädän cıyılğan xalıq aldında, tübänäytep waqlanıp tormadı. Barı tik yul tözeleşen finanslaw kimetelü säbäple yul tözüçelärneñ bik zur problemalar aldında toruların iskärtte. Çığışı azağında... dip säyäsi wäzğiät xaqında da, äytkändäy, ber qalimä süz äytte. Yäğni respublikada Rusiä prezidentı saylawları kompaniäse därtle häm maqsatçan, demokratik prinsiplar häm xäbärdarlıq şartlarında bara dide. İşetüegezçä premyer-ministr süzen kiñäşmädä qatnaşuçılarnı Qazannıñ 1000 yıllığı tantanalarına çaqıru belän tämamlıy. Röstäm Miñnexanov çığışın şulay uq Qazannıñ 1000 yıllığı yaqınlaşuın iskä alıp başlawına qarağanda Tatarstanda mondıy Rusiä külämendäge kiñäşmälär ütkärelüeneñ, äytkändäy, tel astında Rusiä xökümäteneñ şuşı küp çığımnar taläp itkän çaradan yıraq cibärmäw, Qazannıñ 1000 yıllığın ütkärügä bağışlanğan programmalarğa tieşle investitsiälärgä ireşü. Xäyer räsmi mäğlümat çaraları Qazanda ütkärelgän Gomümrusiä kiñäşmäseneñ töp maqsatları yul tözeleşe ölkäsendäge programmalarnı täğäyenläw häm bu ölkägä investitsiälärgä ireşü dip näticälilär.

Yunıs Ätnäle

XS
SM
MD
LG