Accessibility links

шимбә, 10 декабрь 2016, Казан вакыты 15:54

Xalıqara Mäxkämädä İzraelneñ Könbatış Yarda tözi başlağan diwarı mäs'äläsendä tıñlawlar tämamlandı


Biredä urnaşqan Xalıqara Mäxkämä İzraelneñ Könbatış Yarda tözi başlağan diwarınıñ legal bulu-bulmaw mäs'äläsendä tıñlawların tämamladı. Bügenge utırışta Ğaräp Ligası häm İslam Konferensiäse Oyışması wäkilläre diwarğa qarşı buluları turında çığış yasadı. Ğaräp Ligasınıñ töp wäkile Michael Bothe, tözeleşne Berlin diwarı belän çağıştırdı häm anıñ töbäktä tınıçlıq urnaşır digän ömetlärne yuqqa çığaruın belderde: "Okkupatsiälängän fälestin cirlärendä tözelgän bu diwar bülenüne añlata, diskriminatsiä tudıra, kiläçäktä ozın möddätle çın tınıçlıq urnaşu turındağı ömetlärne yuqqa çığara" dide Ğaräp Ligası keşese. Şulay uq bügenge utırışta, İzrael tözi başlağan barriernıñ xalıqara xoquqlarğa qarşı buluı, fälestin däwläten tözügä kirtä saluı turında da äytelde. Mäxkämä üzeneñ bäysez qararın berniçä ay eçendä qabul iter dip kötelä. İzrael üz çiratında, älege diwar fälestin suğışçılarınıñ yähüd cirlärenä ütep kerüenä kirtä bulaçaq, dip tözeleşne däwam itäçägen belderde.

XS
SM
MD
LG