Accessibility links

дүшәмбе, 5 декабрь 2016, Казан вакыты 13:37

Makedoniä prezidentı Traykovski oçqıç qazasında hälak buldı


Makedoniä prezidentı Boris Traykovskiy oçqıçınıñ bärelep töşüe säbäple bügen hälak buldı. Ul Balqanda investitsiä mäsäläsenä bağışlanğan Mostardağı xalıqara konferensiägä qatnaşu öçen yulğa çıqqan ide. Qatı yanğır häm toman säbäple, altı keşelek delegatsiä utırğan oçqıç tauğa bärelgän, isän qaluçı yuq.

Bosnia militsiäse oçqıçnıñ qaldıqları Sarayevonıñ 80 kilomtr Könyağındağı ber auıl tiräsendä tabıldı dip belderde. Bosnia Eçke Eşlär ministerlege suzçese Nedzad Vejzagiçnıñ belderüenä qarağanda beräv dä isän qalmağan.

Audio

"Qızğanıç ki, bez, Bosniäneñ Mostar şähärendäge xalıqara konefernsiägä Makedoniä delegatsiäsen kiterüçe oçqıç bärelep töşte digän xäbärne raslıybız. Oçqıç qaldıqların SFOR komandası taptı häm oçqıçta bulğannar barısı da hälak buldı dip rasladı."

47 yäşlek Traykovskiy 1999-nçe yılda Makedoniä prezidentı itep saylanğannan soñ, millätenä qaramastan barlıq makedoniälelärgä xezmät itärgä väğdä birde. Anıñ prezidentlığı çorında makedonça söyläşüçe slavlar belän zur sandağı alban azçılığı arasındağı mönäsäbätlär bik kiskennäşte, xätta 2001-nçe yılda vatandaşlar suğışı çığu qurqınıçı tudı. Traykvskiy şul yılda NATO äzerlägän planın qabul itelüendä zur rol uynadı. Albannarğa sääyäsät häm tel ülkäsendä küberäk xoquq tanıldı, fetnäçelär qoralsızlanırğa rizalıq birde. Şunnan soñ ğına başta NATO, ä soñğaraq Yevropa berlege tınıçlıq saqlau köçläre anda kerep kileşüneñ ütälüen küzätä başladılar. Traykovskiy 2002-nçe yılda Pragada radiobızğa yasağan vizitı vaqıtında Makedoniä häm Balqandağı xällär turında bolay digän ide

Audio

"Balqan äle dä imin , räxät yäşärlek urın tügel. Bezne küp qorallar häm kotrabanda, korrupsiä häm keşe üterü belän bayığan küpkenä keşelär çolğap alğan."

Ul Makedoniäneñ töp maqäste Yevropa berlegenä kerü dip äytän ide. Anıñ kiçä cämağätçelek aldında yasağan soñğı çığışı da şuluq temağa qarağan ide.

Audio

"Makedoniä respublikasınıñ qısqa vaqıtta Yevropa Berlegenä ağza bulıp kerüe öçen bez üzebez garant bulırğa tieşbez. Barlıq politik partiälärneñ, etnik , politik häm dini ışauına qaramıyça böten makedon xalqınıñ bezneñ Yevropa berlegenä ağza bulıp kerü möräcäğäten yaqlauı mine qıulandırdı häm şatlandırdı."

Anıñ bügenge säfäre dä şuña xezmät itüne küz aldında totqan ide. Makedoniä premiere Branko Crvenkovskiy bügen İrlandiä başqalası Dublindağı tantana vaqtında ileneñ şuşı möräcäşäten räsmi räveştä Yevropa Berlegenä tapşırırğa tieş ide. Oçqıçnıñ bärelep töşüe säbäple bu tantana bulmadı häm premier Skopyegä qaytıp kitte. Traykovskiynıñ vafatına berençe bularaq reaksiä kürsätüçelär arasında Yevropa Berlegeneñ İminlek häm tışqı säyäsät buyınça başlığı Solana buldı.

Audio

"Prezident Traykovskiy olu keşe ide. Ul ilen reformalarğa ğına tügel, ä Yevropağa taba da alıp bardı."

Ä inde Yevropa Berlege Komisisäseneñ prezidentı Romano Prodi bolay dide

Audio

"Bügen Traykovskiy integratsiäse öçen zur köç sarıf itkän Balqan öçen qayğılı ber kün. Bügen berlekneñ nigezen täşkil itkän çıdamlıqnıñ yaqlauçısın häm dustın yuğaltqanı öçen Yevropa öçen dä qayğılı ber kön."

Färit İdelel, Praga.
XS
SM
MD
LG