Accessibility links

шимбә, 3 декабрь 2016, Казан вакыты 12:51

Tönyaq Korea AQŞnı üzenä qarata mänäsäbäten üzgärtergä çaqıra


Qıtay çığanaqlarınnan alınğan xäbärlärgä qarağanda bügen Tönyaq Korea, üzeneñ atom töş qoral programmasın yuq itüneñ berençe adımı bularaq – atom eşçänlegen tuqtatıp torunı täqdim itkän. Bu turıda bügen 6 yaqlı söyläşülär tämamlanğaç, Qıtay tışqı eşlär ministrlığı matbuğat wäkile Liu Jiançao xäbär itte. Tönyaq Korea wäkile dä, Waşington üzeneñ doşman säyäsäten tuqtatsa – Pxenyan atom qoral programmasın yuq itäçäk, dide. Rusiä wäkilçelege başlığı Alexandr Losyukov, Pxenyan söyläşülär waqıtında atom qoral programmasınnan waz kiçep anı tınıç maqsatlarda qullanırğa teläk belderde, dide. Rusiä, Qıtay häm Könyaq Korea – Tönyaqnıñ mondıy adımına "kompensatsiä" turında uylarğa äzer, dide Losyukov: "Qıtay, Rusiä häm Könyaq Korea, Tönyaqnıñ bu adımına kompensatisä çaraları kürergä teläk belderde. Quşma Ştatları häm Yaponiä bu çaralarda qatnaşırğa äzer tügel" dide Losyukov. Tönyaq Koreanıñ atom programması tiräsendäge 6 yaqlı söyläşülär Pekinda irtägä dä däwam itäçäk.

XS
SM
MD
LG