Bügen Qabulda Amerikan saqlanu ministrı Donald Rumsfeld belän oçraşu waqıtında Äfğan prezidentı Hamid Qarzai, ildä Taliban suğışçıları tulsınça yuq itelde, köç qullanunı – ğadi cinäyätçelär däwam itä, dip belderde. Karzai süzlärençä – xäräkät bularaq Taliban inde yuq, ämma Äfğanstanda aña qatnaşı bulğannar äle tärtipsezleklär oyıştıra ala. Qayber töbäklärdä däwam itkän köç qullanu – ğadäti tormış, dide Qarzai.
Rumsfeld, üz çiratında, Talibannıñ Äfğanstanğa nindi dä bulsa xärbi qurqınıç tudırğanın kürmäwen äytte: "Qısqa waqıt eçendä bu il – terrorçılar cännätennän – terrorğa qarşı köräş koalitsiäseneñ berektäşenä äylände. Bu ildä azatlıq tamır cäyä, Äfğanstan, möselman dönyası öçen ireklek häm tigezlek misalı bulırğa tora" dide Rumsfeld.
Üzeneñ ber könlek säfäre waqıtında bügen Rumsfeld elek Talibannıñ üzäge bulğan Qandaharda häm Qabulda buldı.
Äfğanstannan kilgän başqa ber mäğlümatkä qarağanda, kiçä Qabul yanında bulğan bäreleşlärdä ike äfğan xezmätkäre hälak bulğan. Bu xaqta bügen Äfğan eçke eşlär ministrı Ali Ahmad Jalali xäbär itte.
