Accessibility links

шимбә, 10 декабрь 2016, Казан вакыты 08:24

George Bush Rusiä xärbilären Gruziädän çığıp kitergä çaqıra


Gruziä citäkçese Mixael Saakaşvili AQŞlarında säfärdä. Kiçä Aqyortta jurnalistlar belän oçraşqan G.Bush häm M.Saakaşvili berbersenä yuğarı bäyä birep xezmättäşlek turında ğına söyläde. Xättä G.Bush rus xärbiläre ildän çığıp kitsen digän Gruzineñ küptänge taläben dä yaqlap çıqtı. V.Putin moñı işette mikän ?

Kiçä Aqyortta G.Bush, Saakaşvilinı prezidentlıqqa kitergän ''gäl inqilabın'' maqtap süzgä başladı. Saakaşvili ike il arasındağı xezmättäşlekneñ tirän buluın häm Gruziäneñ AQŞnıñ dusı häm berektäşe buluı belän ğorurlanuın belderde. Gruziä citäkçese (audio) bezneñ xezmättäşlek wä duslıq iminlek häm , iqtisadi mäsälälärdä genä tügel, ä in alda urtaqlaşqan bäyälärebez tora dip äytte. Jurnalistlarnıñ Rusiäneñ Görcestannan xärbilären çığarırğa riza buluı turındağı 1999nçe yılğı İstanbul kileşüe xaqındağı sorawına ,Amerika citäkçese mondıy cawap qaytardı(audio) Bez Rusiä xökümäte İstanbulda alğan yöklämäsen ütär dip kötäbez. İstanbul kileşüendä Rusiä bu bazalardan çığaçaq dip bik açıq äytelgän.Bez bu mäsälädä Gruziä citäkçese şulayuq Rusiä prezidentı belän eşlärgä däwam itäçäkbez. G,Bush Saakaşvili prezident bularaq berençe säfären Mäskäwgä yasadı ,ike il arasındağı mönäsäbätlärneñ yaxşı däwam itüen garantiäläw öçen bik uñay häm aqıllı adım dip äytte. Saakaşvili bu temağa dewam itep(audio) Bez Rusiä belän mönäsäbätlärne yaxşırtu öçen nıq eşlibez. Min Mäskäwdä prezident Putin belän qızıqlı söyläşü ütkärdem.Rusiä bezneñ ışanıçlı partnörıbız bulırğa häm elemtälärebz nığırğa tieş dip uylıym dide. Şulay ike citäkçe jurnalistlar aldında berbersen maqtap, yaqlap utırdı.Saakaşvilinıñ AQŞlarına yaqın mönäsäbätlär urnaştıru , iqtisadi yardäm alu öçen barğanı ber kemgä dä ser tügel. Anıñ belderüenä kürä kongres 2004nçe yılda Gruziägä 200million dollarlıq yardäm biräçäk, aprel ıynda başlanaçaq häm 5 yıl däwam itäçäk programma , amerika stilında 5meñ keşedän torğan brigada buldırunı küzdä tota. Sakaşvilinıñ yoldız statusı küpme däwam itär , bilgesez.George Waşington Universitetı säyäsi fännär profesorı James Golgeier ike citäkçeneñ oçraşuı turında , bälkim dä Bush ta Saakaşvili dä süzlären diqqätleräk saylarğa tieş ide dip äytte. Goldgeier qaraşınça Rusiä çittän yasalğan basımğa tiskäre reaksiä kürsätä, bälkim Bushnıñ İstanbul kileşüenä işarä itüen basım dip qabul itär, (audio) basım formasın xäterlätä,minemçä diplomatik konteksta Bush süzläre qabul itelerlek , ultimatum tele tügel Ämma profesor, Putin Bushnıñ süzlären Saakaşvilinıñ Gruziä belän Amerika şuluq bäyälärne urtaqlaşa digän konteksta tiskäre itep täfsilli ala dip äytä. Ul bolay dip añlattı: könbatışnıñ, ruslar könbatış bäyälären urtaqlaşmıy, ruslar 21nçe ğasırnıñ töp politik sotsial ağımı çitendä qalğan digän işarälärenä ruslarnıñ açuı çığa. Ägär dä Putin Saakaşvili Amerika häm Rusiä bäyäläre arasına çik quya dip täfsilläsä , ul çaqta di Goldgeier Gruziä citäkçesenä sonğı urıs ğäskärieneñ ildän çığıp kitüen ozaq waqıt kötergä turı kiläçäk. Jurnalistlar belän oçraşu waqıtnda Saakaşvili G.Bushqa ütkän yılda protestlar waqıtndaGruziäne yaqlawına räxmät belderde. (audio) İnqilap minem häm böten buuınnıñ in ğorulanğan mizgel ide Bez demokratiä, xalıqnıñ saylarğa xoququ bar digän köräştä AQŞ tarafınnan yaqlanğan öçen ğorurlanabız..Waşington berençe bulıp yardämgä kilde häm bez moñı ber qayçan da onıtmıyaçaqbız. Bush Gruziä Şevernadzene qansız räweştä çigenergä künderüe belän kürşelärenä ürnäk buldı dip äytte. Şulay Saakaşvili öydä dä AQŞta da bik popular. Ul Hopkins Universitetındağı çığışında tizlektä küp eşlär başqarırğa tieşlegen añlattı. Min birelgän tawışlarnıñ 96.7% belän saylandım.Bu minem öçen bik zur problema çönki minem popularlığım monnan da arta almıy kimi genä ala , berdänber soraw nindi tizlektä dip äytte görce citäkçese.

färidä xämit,praga
XS
SM
MD
LG