Accessibility links

Кайнар хәбәр

Çit il xäbärçeläre Kamil İsxakov belän oçraştı


Menyellıq Qazannı kürergä häm anıñ turında üz illärendä dä söylär öçen Tatarstanğa kilgän çit il xäbärçeläre häm RF Tışqı eşlär ministrlığı wäkilläre 26 fevral''dä Qazan şähäre administratsiäse başlığı Qamıl İsxakov belän oçraştı. İspaniä, Sloveniä, Finlyandiä, Çexiä, Şvetsiä illärennän kilgän xäbärçelär häm Rusiä qunaqları öçen şähär turında maxsus videofil''m kürsätelde. Bu fil''mnan qunaqlar qısqaça Qazan şähäre häm anıñ tarixı belän tanıştı.
Şähär başlığı Qamıl İsxaqov Qazannıñ 1000 yıllığın bäyräm itü çaralarınıñ oyıştıru xaqında, şähärneñ xäzerge xäle turında söyläde. İñ yaxşı oçqıçlar Qazan cirendä çığarıla, dip belderde şähär başlığı. Bezdä quyılğan 700дән artıq häykälne häm şähärneñ istälekle urınnarın bez saqlarğa tırışabız, Qazannı maturlatabız, dide ul. Şulay uq Qamil İsxakov yubileyğa berençe metropoliten liniäsen tözep beterügä ışanıçın belderde.
Xäyer, söyläşüdä ike yaq ta qatnaştı. Qunaqlarnı qızıqsındırğan sorawlar arasında Qazandağı millätara häm dinara mönäsäbätlär, yubiley datasın bilgeläw tarixı, yubiley çaralarınıñ kem tarafınnan finanslanuı turında sorawlar bar ide. Alarğa şähär başlığı bik täfsilläp cawap birde. Ä menä Zur yubilyığız uñayınnan nindi büläk alırğa telär idegez, digän soraw Qamıl İsxakovnı xätta beraz aptıratıp ta qaldırdı. Ul ğäcäplänep, bu turıda uylamadım da, eş bik küp äle, dide. Oçraşu axırında şähär başlığı çit il qunaqların töp yubiley çaralarında da kötep qaluın belderde.
“Golos Ameriki” radiosı, “El'' Paris” ispan gäcite häm başqa çit il jurnalistları 27 fevral''dä Tatmediä agentlığındağı oçraşudan soñ Mäskäwgä yul totaçaq.
Al''bina Zäynulla, Qazan
XS
SM
MD
LG