Accessibility links

якшәмбе, 11 декабрь 2016, Казан вакыты 16:46

Başqortstanda Rusiä prezidentı öçen saylaw aldı kampaniäse ber genä yaqlı alıp barıla


Başqortstanda Rusiä prezidentın saylawlarğa äzerlek üzeneñ iñ qızu çorına kerä. Vladimir Putinnıñ Başqortstandağı ışanıçlı keşeläre saylawçılar belän oçraşular ütkärä häm il prezidentınıñ bik yaxşı keşe häm aqıllı citäkçe buluı turında yalqınlı çığışlar yasí. Şundí oçraşularnıñ bersen Putinnıñ Başqortstandağı altı ışanıçlı keşeseneñ berse – kürenekle tabib, Ufadağı Bötenrusiä küz häm plastik xirurgí üzäge citäkçese Ernst Muldaşev ütkärde. Başqalada republík hönär berlekläre wäkilläre belän oçraşuda Muldaşev äfände Putinnı kiäwgä birergä äzerlägän qıznı maqtağanday maqtadı. İldäge barlıq qazanışlar ayıq aqıllı prezidentqa bäyle digän fikerne alğa sörde ul. Bezneñ il belän Rusiäne bik nıq yaratqan keşe citäkçelek itä, dide Muldaşev.

Başqortstannıñ räsmi matbuğat basmaları da saylawlarğa qağılışlı yazmaların bermä – ber arttırdı. Alarnıñ barsı da, älbättä inde, şulay uq Putin äfändegä mädxiä cırlí. Misal öçen, başqort telendä çığuçı «Başqortstan» gäzite üzeneñ 27 febräl sanında saylawğa qağılışlı baytaq yazmalar urnaştırğan. Alarda ilneñ ğämäldäge prezidentı xaqında gel cılı fikerlär äytelä. Yazmalarnıñ isemnäre kommunistlar zamanındağı kebek ük yañğırawıqlı. «Kiläçäk bügen xäl itelä», «Üzebezneken sayladıq, Räsäynekendä dä yalğışmíq» dip isemlängän yazmalarda republíknıñ törle rayon häm şähärlärendä yäşäwçe keşelärneñ dä Vladimir Putin turındağı fikerläre urın alğan. Alar hämmäse ber süzne söyli – Putin prezident bulğaç, tormış yaxşırdı, alğa kitte.

Sosíologík tikşerenü üzäkläre dä soñğı könnärdä saylawlarğa bäyle farazların, küzallawların bäyän itä başladı. Alardan kürenüençä, Vladimir Putin iñ küp tawışnı 75 – 80 prosent tawış cíaçaq.

Üzeneñ sosíologík tikşerenüe näticälären Ufa avíasí – texnik universitetındağı sosíologí üzäge dä bäyän itte. Bu üzäk mäğlümatlarına kürä, Başqortstanda Vladimir Putin öçen tawışın barlıq saylawçılarnıñ 70 – 75 prosentı tiräse birergä mömkin. Şul uq waqıtta bar däğwaçılarğa da qarşı tawış birüçelär sanı 6-8 prosent çaması buluı ixtimal. Avíasí universitetındağı sosíologí üzäge citäkçese, Başqortstan Fännär akademísı akademígı Fänil Fäyzullin Rusiä prezidentın saylawlar aldınnan xalıqnıñ härtörle saylawlardan arığan buluın äytä. Anıñ fikerençä, bu saylawlar niçekter bik qızıq ta bulmas kebek, Çönki Vladimir Putinğa nıqlı qarşı torırlıq başqa ber genä köçle namzät tä yuq. Moña ildäge törle partílar üzläre dä ğäyeple. Alar niçekter berläşep, Putinğa köçle köndäş bulırlıq ber urtaq qandidat äzerli almadı. Ğomumän, bu saylawlar Rusiädä haman da saylawlar täcribäse, saylawlar mädäniäte bulmawnı tağın ber qat açıq kürsätte.









(yazma)

Akademík Fänil Fäyzullin prezident Putinnıñ telewideniedağı debatlarda qatnaşudan baş tartuına rizasızlığın belderä. Anıñ süzlärençä, Putin äfände saylawçılarnı xörmät itep bu bäxäslärdä qatnaşırğa tieş ide. Xalıq anıñ saylaw aldı programın anıñ üz awızınnan işetsä, anıñ uy – niätlären tıñlasa, xäyerleräk bula ide, şunıñ belän ul üzenä xörmätne dä arttıra alır ide.

Atnaqiç könne töştän soñ Başqortstan Üzäk saylaw komíssísı räise Barí Kincäğulov jurnalistlar öçen matbuğat oçraşuı ütkärep, republíkta Rusiä prezidentın häm urındağı üzidärä orğannarına deputatlar saylawlarğa äzerlek tulısınça tämamlandı dip belderde. Rusiä prezidentın saylawlarnı oyışqan töstä ütkärü öçen, republíkta saylaw komíssíları äwwälgedän tağın 128 gä arttırıldı, dip xäbär itte Kincäğulov äfände. Saylaw komíssíların arttıru saylawçılarğa räxäträk bulsın öçen eşlänä, dide ul. 14 martta nindi dä bulsa säbäplär arqasında saylaw uçastoğına kilä almawçılar aldanraq saylaw yäki başqa cirdä tawış birü öçen maxsus talonnar ala başlağan.

XS
SM
MD
LG