Accessibility links

җомга, 9 декабрь 2016, Казан вакыты 10:54

Şwetsariä dispetçerın üterüdä şiklänelüçe Vladimir Savçuk anı ütermägän


Bu xaqta comğa könne Başqortstan Eçke eşlär ministerlığı wäkilläre belderde.

Rusiäneñ qayber kiñ mäğlümat çaraları atnaqiç könne näq menä Vladimir Sawçuq bu cinayätne qıluda şiklänelä digän xäbärlär taratıp ölgergän ide. Alarnıñ bu xäbärläre nindi çığanaqtan alınğan bulğandır, ämma alar döreslekkä tap kilmi. Ni öçen digändä, Vladimir Sawçuq bu atnada ğına tügel, ä, ğomumän, soñğı yartı yıl eçendä Ufadan berqaya da kitmägän. Başqortstan xoquq saqlaw oyışmaları da tikşerep qarağaç, anıñ çınlap ta bu könnärdä Ufada buluın raslağan.

Vladimir Sawçuq Germaní kügendäge faciğäğä yulıqqan oçqıçta bar ğailäsen – xatını İrinänı, ulı Vladislawnı häm qızı Veroníknı yuğalttı. Sawçuq äfände qayber mäğlümat çaralarınıñ sensasí tudıru öçen genä, aşığa – aşığa tikşerelmägän mäğlümatlarnı cämäğätçelekkä çığaruına näfrätlänüen belderä. Ufada jurnalistlar belän oçraşuda ul, ğomumän, bu cinayätkä Başqortstan keşeseneñ qatnaşı buluına ışanmawın äytte.

Ä Başqortstan oçıqıçında hälaq buluçılarnıñ tuğannarın berläştergän cämäğät oyışması citäkçese Zölfät Xammatov fikerençä, «Sqayğayd» dispetçeren üterü älege hälaqätne tikşerüne tağın da suzarğa häm, bälki anı, ğomumän dä, tuqtatırğa teläwçelär faydasına ğına eşli. «Bolay da ozaqqa suzılğan tikşerü xäzer inde bötenläy başqa borılış alırğa mömkin», – di ul.

XS
SM
MD
LG