Accessibility links

пәнҗешәмбе, 8 декабрь 2016, Казан вакыты 03:17

Tatarda şayannar häm tapqırlar barmı?


24 fevral’dän Çallıda tatar kompozitorlarınıñ çişmälär dip isemlängän töbäk cır festivale uzdı. Ä menä respublikanıñ Bua şähärendä 26 fevral’dä böten Tatarstannan tapqırlar häm şayannar cıyıldı. Monda alar Quqmara, Saba, Çüpräle, Balıq Bistäse, Aqtanış, Leninogorsk, Mendeleev häm, älbättä inde, bualılar üzläre 2004 yılnıñ sezon açılu festivalendä qatnaştı. Şunısın da äytergä kiräk, respublikada KVN uyını şaqtıy kiñ taralğan, Qazannıñ 4 tatar törkeme xätta Rusiäneñ Yuğarı liga uyınnarında da berençelekne alğanı buldı, Läkin bolar barısı da rus telle KVNda ğına. Ä menä saf tatar telendä üzläreneñ tapqırlığın häm şayanlığın kürsätüçe komandalar bulsa da, respublika külämendä bu uyınnar bik kiñ taralmağan ide. Xäzer Tatarstannıñ Mädäniät ministrlığı yäşlär öçen bu uyın tören torğızuğa nıqlap totındı. Xäyer, 2003 yılda çempion isemen yawlağan bualılar tatar KVNın inde 1994 yıldan birle ütkärep kilälär. Läkin Bua xakimiäteneñ mädäniät bülege citäkçese Mödärris Ğäyfullin älege uyınnıñ tarixı 94 yıldan ğına başlanmıy, dip sanıy.



Min tatar KVNınıñ tarixı 10 yıl ğına dimäs idem, bez anı inde mäktäptä uq uynıy idek. Bez barı tik xäzerge kebek barıbız bergä cıyılıp, ber-berebez belän genä yarışa almıy idek. Xäzer inde menä Mädäniät ministrlığı yärdämendä bezneñ dä tatar KVNınıñ üz ligası oyıştırıldı. Bez moña bik şatbız.



Bu qızıqlı festival turında kiläçäktä bez sezgä äle täfsilleräk itep söylärbez.



Gölnaz İlgizär

XS
SM
MD
LG