Accessibility links

шимбә, 3 декабрь 2016, Казан вакыты 07:44

Almatada Yevraziä İqtisadi Berlegeneñ 5 äğza ile wäkilläre oçraştı


Yevraziä İqtisadi Berlegenä kergän 5 elekke sovet respublikalarınıñ yuğarı räsmi wäkilläre bügen Qazaxstanda cıyılıp iqtisadi xezmättäşlekne arttıru turında söyläşte. Rusiä premyer-ministrı wazifaların başqaruçı Viktor Xristenko, Qazax xökümäte başlığı Danial Äxmätov belän oçraşqannan soñ qazax neften Rusiä aşa ütkärü turında kileşende, dip belderde. Belarus premyer-ministrı Sergey Sidorski belän bulğan oçraşuda – Rusiä häm Belarus wäkilläre yaña gaz tranzitı şirkäte turında kileşkännär, dip xäbär itelä. Bolar xaqında tulıraq mäğlümat älegä yuq. Cıyılışta Belarus, Qazaxstan, Qırğızstan, Rusiä häm Taciqstan – 2006nçı yılğa qadär tamojnya berlege tözü häm Dönya Säwdä Oyışmasına kerügä äzerlek eşlären bergä alıp baru turında kileşkän. Äzerlek eşläre belän Rusiä citäkçelek itäçäk. Dönya Säwdä Oyışmasına Qırğızstan kergän inde, qalğannarı älegä äğzalek söyläşülären alıp bara.

XS
SM
MD
LG