Accessibility links

Кайнар хәбәр

Tönyaq Koreanı qoralsızlandıru söyläşüläre näticäsez tämamlandı


Tönyaq Koreanıñ atom programması turında Pekingdä barğan sonğı raund söyläşülär näticäsez tämamlandı.i>

Ämma söyläşülärgä qatnaşqan AQŞ, Rusiä,Qıtay , ike Korea häm Yaponiä wakilläre iyün azağında Pekingdä yañadan oçraşırğa buldı.Qıtay tışqı eşlär minsitırınıñ urınbasarı Wang Yi söyläşülärdä Waşington (audio) Tönyaq Koreağa barlıq atom programmasınnan kontrol iteler räweştä waz kiçüne alğa sörde ,Taraflar mäsäläne tikşersä dä, alar , atom programmasınnan wazkiçüneñ küläme turında konsensusqa ireşä almadı dip äytte. Söyläşülärgä qatnaşqan Rusiäneñ tışqı eşlär minsitırı urınbasarı wazıyfasın ütäwçe Aleksander Lossyukov Pxenyang atom qoralları programamsınnan wazkiçergä äzer ämma ul tınış atom energiese programamsın saqlap qalırğa teli dide Losyukov(audio) AQŞ ütkändä T.Koreanıñ bu pozitsiäsen qabul itmägän ide.Çönki ul Pxenyang qoral yasaw aktivlıqların qaldırılğan tınıç programma astında däwam itär dip qarıy. Losyukov söyläşülärneñ töp näticäse: eşçe törkemnäre buldıru dip äytsä dä, ul täfsilleräk itep söylämäde. Älege altılı söyläşülär kebek august ayındağı şunduyuq oçraşu da körçekkä terälgän kileş tämamlandı.. Bügen tämamlanğan oçraşuda T.Korea AQŞ taläp itkäneçä barlıq atom programmasın tuqtatu öçen başta Waşington sanksiälärne köçtän çığarırğa häm höcüm itmiäçäge turında kileşü tözergä tieş digän pozitsiädä tora. Pxenyang üzeneñ atom programmasın AQŞnıñ doşmança xärbi mäqsatlarına qarşı qurqutuçı itep qaldıra dip belderä.Waşington 1 yäki 2 atom bombasına iä T.Korea , AQŞtan iminlek garantiäläre yäki ekonomik yardäm alu öçen başta qoralsızlanırğa tieş di .AQŞ Pxenyang regional basım astında sonğı çiktä riza bulaçaq dip ömed itsä dä, Analitiklar bu strategie qatmarlı, çönki Qıtay Pxenyang xezmätäşlek itmäsä , anı iqtisadi çikläwlär belän kisätergä telämi dip äytä. Söyläşülär näticägä kitermäsä dä , krizisnı çişü tırışlığı Waşingtonnıñ da , Pxenyangnıñ da atom programması säbäple kilep çıqqan kierenkelekne xärbi konfliktqa äyländerergä telämäwen kürsätep tora

färidä xämit, praga
XS
SM
MD
LG