Accessibility links

шимбә, 10 декабрь 2016, Казан вакыты 04:07

Paqstan prezidentı 11 keşeneñ atıp üterelüe uñayınnan tikşerü ütkärergä boyırdı


Paqstan prezidentı Pärwäz Möşärräf kiçä çittäge töbäklärneñ bersendä kimendä 11 keşeneñ atıp üterelüe uñayınnan tikşerü ütkärergä boyırdı. Möşärräf şulay uq, qorbannarnıñ ğailäläre qayğısın urtaqlaştı. Könyaq Wäzirstan töbägendä tikşerü qapqasında xärbilär avtobusqa ut açqan. Ut açu säbäpläre turında qarşılıqlı xäbärlär kilä. Xärbilär äytüençä, başta tikşerü qapqası yanına 3 maşina kilep ata başlağan häm xärbilär ut belän cawap birgän. Başqa xäbärlärgä qarağanda, xärbilär yalğışıp ut açqan häm qorbannarnıñ qayberläre äfğän qaçaqları bulğan. Uzğan atnada xärbilär bu töbäktä yäşerengän bulırğa mömkin äl-Qaidä äğzaların tabu öçen terrorğa qarşı operatsiä başladı.

XS
SM
MD
LG