Accessibility links

шимбә, 10 декабрь 2016, Казан вакыты 00:24

Ğiraq İdarä Şurası äğzaları waqıtlı konstitutiä turında söyläşülärne däwam itä


Ğiraqta AQŞ bilgeläp quyğan Ğiraq İdarä Şurası äğzaları ilneñ waqıtlı konstitutsiäse turında söyläşülärne däwam itä. Daimi konstitutsiä äzerlängänçe ğämäldä bulırğa tieşle waqıtlı konstitutsiä qabul itü öçen birelgän waqıt kiçä ük çıqtı. Ämma fiker ayırmalıqları qalu säbäple söyläşülär däwam itä. Xäbärçelär äytüençä, şura äğzaları bügen kileşügä ireşerä ömetlänä. Şura äğzaları kontitutsiädä Şäriğätneñ role, Körd cirläre statusı häm xatın qız xoquqları turında urtaq fikergä kilä almıy. Bügen Bağdadta AQŞ citäkçelegendäge koalitsiägä eşläwçe Eston soldatı yulğa quyılğan bomba şartlawdan hälak buldı. Estoniä räsmiläre äytüençä, bu Estoniäneñ Ğiraqtağı berençe yuğaltuı. 12 keşelek cäyäwle kizü bombağa yulıqqan. 10 Eston soldatı yaralanğan. Estoniä premyer-ministrı bu soldatnıñ üleme Ğiraqta totrıqsızlıq däwam itüe häm anda tınıçlıq urnaştıru kiräklege turında söyli dide. Ğiraqtağı AQŞ citäkçelegendäge koalitsiädä 45 eston soldatı bar.

XS
SM
MD
LG