Qorallı şisyançılar, AQŞ häm Fransiä basımı astında bügen irtän Haiti prezidentı Jean Bertrand Aristide ildän qaçıp kitte. Associated Perss agentlığı xäbärenä qarağanda, açulı yözlärçä ğisyançı başqala Port au Prinstağı prezident utırmasına cıyılğan. Şul tirädäge uramnarda atışlar, talawlar häm yandırular xaqında xäbär itelä. Ğisyançılar nığıtmasına äwerelgän, Haitinıñ başqaladan qala ikençe zur şähäre Kap-Haitienda isä uramnarda biyü häm cırlar belän Aristidenıñ kitüen bäyräm itü başlanğan. Ğisyançılar citäkçelege ildä yaña xakimiät urnaşu belän üz suğışçılarınıñ qoralsızlanaçağın iğlan itkän.
Xakimiätne Haiti Yuğarı mäxkamäseneñ baş xäkime üz qulına alğan dip xäbär itelä. Haiti Premyer-ministrı Yvon Neptun äytüençä, baş xäkim Boniface Alexandre bügen ük prezident antı biräçäk. Konstitutsiä nigezendä Alexandrnıñ prezidentlığın parlament raslarğa tieş. Ämma küpçelek deputatlarnıñ möddäte ğinwar ayında uq tämamlanğan ide.
Haitidağı AQŞ ilçese James Foley jurnalistlarğa tizdän Haitiğa xalıqara xärbi köçlär cibäreläçäk, Anda AQŞ ta qatnaşaçaq dip belderde.
Frans Press agentlığı xäbärenä qarağanda, Aristide Dominikan Respublikasına kilgän. Prezident süzçese Luiz Gonzalez Fabra äytüençä, anıñ oçqıçı başqala yanındağı Barahona hawa alına töşkän. Gonzalez Hiatinıñ 3 oçqıçı Barahona hawa alanına töşü röxsäte soradı di. Oçqılarnıñ bersennän Aristide çıqtı dip xäbär itelä. Aristide xökümäte ministrı häm anıñ yaqın kiñäşçese Leslie Voltaire äytüençä, ul Morocco, Taiwan yäki Panamada sıyınu sorıyaçaq.
Waşingtonda Quşma Ştatlarnıñ yuğarı räsmie Administratsiä fikerençä, Aristide Haiti xalqı öçenuñay qarar qabul itkän dide. Anıñ kitüen taläp itüçe ğisyançılar Aristidnı korrupsiädä häm üz köndäşlärenä qorallı höcümnär oyıştıruda ğäyepläde.
Haitinıñ elekke kolonizatorı bulğan Fransiä dä 8 millionlı Haiti xalqı öçen anıñ kitüe yaqşı bulaçaq dip basım yasadı, Quşma Ştatlar da monı xuplap çıqtı. 5-nçe Fevral''dä başqaladan 110 çaqrımda ğisyan başlanğannan soñ bäreleşlärdä häm repressiv çaralarda yözdän artıq keşe üterelde.
Aristide 1980-nçe yıllarda diktaturağa qarşı xalıq kütäreleşendäge role öçen Haiti demokratiäse qaharmanı bularaq tanılğan ide. Ämma anı bärep töşerü öçen qorallı ğisyan başlanıp 24 kön ütügä, bügen ul üze ildän qaçıp kitärgä mäcbür buldı.
Naif Aqmal, Praga.
Haitidağı AQŞ ilçese James Foley jurnalistlarğa tizdän Haitiğa xalıqara xärbi köçlär cibäreläçäk, Anda AQŞ ta qatnaşaçaq dip belderde.
Frans Press agentlığı xäbärenä qarağanda, Aristide Dominikan Respublikasına kilgän. Prezident süzçese Luiz Gonzalez Fabra äytüençä, anıñ oçqıçı başqala yanındağı Barahona hawa alına töşkän. Gonzalez Hiatinıñ 3 oçqıçı Barahona hawa alanına töşü röxsäte soradı di. Oçqılarnıñ bersennän Aristide çıqtı dip xäbär itelä. Aristide xökümäte ministrı häm anıñ yaqın kiñäşçese Leslie Voltaire äytüençä, ul Morocco, Taiwan yäki Panamada sıyınu sorıyaçaq.
Waşingtonda Quşma Ştatlarnıñ yuğarı räsmie Administratsiä fikerençä, Aristide Haiti xalqı öçenuñay qarar qabul itkän dide. Anıñ kitüen taläp itüçe ğisyançılar Aristidnı korrupsiädä häm üz köndäşlärenä qorallı höcümnär oyıştıruda ğäyepläde.
Haitinıñ elekke kolonizatorı bulğan Fransiä dä 8 millionlı Haiti xalqı öçen anıñ kitüe yaqşı bulaçaq dip basım yasadı, Quşma Ştatlar da monı xuplap çıqtı. 5-nçe Fevral''dä başqaladan 110 çaqrımda ğisyan başlanğannan soñ bäreleşlärdä häm repressiv çaralarda yözdän artıq keşe üterelde.
Aristide 1980-nçe yıllarda diktaturağa qarşı xalıq kütäreleşendäge role öçen Haiti demokratiäse qaharmanı bularaq tanılğan ide. Ämma anı bärep töşerü öçen qorallı ğisyan başlanıp 24 kön ütügä, bügen ul üze ildän qaçıp kitärgä mäcbür buldı.
Naif Aqmal, Praga.