Accessibility links

якшәмбе, 4 декабрь 2016, Казан вакыты 23:37

Putin premierlıq postına kötelmägän şäxesne, Yevropa Berlegendäge Rusiä wäkile Mixail Fradkovnı täqdim itte


Russiä prezidentı Putin bu märtäbä süzen tottı. Ul aldan äytkäneçä ber kem dä küz aldında totmağan şäxesne, Russiäneñ Yevropa Berlegendäge väkile Mixail Fradkovn,ı premier minister postına täqdim itte. Duma anıñ kandidatlığın Comşa könne tikşeräçäk. Fradkovnıñ xökümät başlığı urnına raslanaçağına şik yuq. Çönki parlamentta Kremgä yaqın torğan Berdäm Russiä partiäse zur küpçelekkä iä.

Putin bu märtäbä väğdäsen ütäp, ber kem dä kötmägän şäxesne premierlek postına täqdim itte. Bu elekke prezident Boris Yeltsinneñ Putinne premierlek postına täqdimen iskä töşerä. Çönki ul vaqıtta da Yeltsin ällä ni tanılmağan Putinne premierlek urnına täqdim itkän ide. Putin bu xaqta Parlament häm Berdäm Russiä fraksiäse citäkçeläre belän Kremldä bulğan oçraşuda belderde.

Audio

SSSR häm Rusisäneñ törle sävdä oyışmalarında eşlägän häm tışqı ekonomik mönäsäbätlär ministere dä bulğan Fradkov 2000-nçe yılda İminlek Şurası sekretarınıñ berençe urınbasarı häm ber yıldan soñ Federal Salım Xezmäte Politsiäse başlığı bulğan ide. Ä inde yaqınça ber yıl elek Russiäneñ Yevropa Berlegendäge minister däräcäsendäge väkile buldı. Fradkov kandidatlığınıñ raslanaçağın Duma citäkçeläreneñ berençe reaksiäse dä kürästte. Mäsälän Dävlät Duması räise häm Berdäm Russiäneñ başlığı Boris Grızlov bolay dide.

Audio

Russiäneñ elekke ekonomika ministere Yevgeniy Yasin reaksiäse ber az başqaçaraq buldı.

Audio

Ber yıl buyına Russiäneñ Yevropa Berlegendäge väkile bulıp eşlägän Fradkovnıñ premierlek postına kandidatlığı turında Yevropa Komissiäse süzçese Reiyo Kemppinen bolay dide

Audio

"Bezneñ fikerebezçä, bu Russiäneñ Yevropa berlege belän mönäsäbätlärenä ähämiät birüen kürsätkän işarä bulıp tora. Fradkov Yevropa Berlegen yaxşı belä häm bu täğäyenläv üzara añlaşunı köçäytäçäk."

Ken närsä genä äytmäsen Putinneñ premier postına Mixail Fradkovnı quyuınıñ säbäbe açıq tügel. Fradkovnıñ siloviklar, oligarxlar yeise reformaçılar yaki kommunistlar arasında xakimiät bazası yuq. Dimäk, ul Putingä tağı da küberäk turılıqlı bulırğa, anıñ süzennän çıqmasqa tieş bulaçaq. Putinneñm çiksez xakimiätkä omtılışına qarşılıq kürsätmiäçäk häm kürsätä dä almayaçaq şäxes bularaq asılda Fradkov Putingä yaraqlı kandidat. Ul Putinneñ ämerlären genä ütäsä, quşqannı ğına eşläsä, başı da azıraq auırtır, postında da ozağıraq qalır. Läkin, äytkännärne genä eşlägän , inisiativa kürsätmägän premier Putin väğdä itkän kiñküläm strategik reformalar ütkärä alır mikän ?

Färit İdelle, Praga.
XS
SM
MD
LG