Accessibility links

җомга, 2 декабрь 2016, Казан вакыты 21:16

«Mädäniät dönyası» programması nindi bulırğa tieş?


Tapşıruda kütärelgän mäs''älälär arasında bik küp qızıqsınu uyatqan problemalar buldi.Mäsälän, süz tatar dramaturgiäse, milli professional muzıka häm tatar estradası turında bardı. Bik küp törle fikerlär buldı. Menä muzıka belgeçe professor Mäxmüt Niğmätcanovnıñ fikerlären tıñlağız.

“ Mondıy söyläşülär küptännän bulğanı yuq ide.Bik kötep alınğan fiker alışu buldı. Muzıkanıñ tarmaqları bik küp, häm şular turında ayırım-ayırım söyläşülär bulsın ide.Tatar estradasınıñ tarixı 95 yıl elek başlana. Bu tapşıru mädäniät ,sänğät ölkäsendä nindider ber etärgeç bulır”,- dip ömetlänäbez”,-dide ul”

Bu tapşıruda ädäbiät zıyalılarınıñ fikerläre dä häm üzläreneñ bu “Mädäniät dönyası” programmasına bulğan täqdimnäre dä qızıqsınu uyattı. Xäzer Tatarstan yazuçılar berlege räis urınbasarı Ğalimcan Ğilmanovnıñ fikerlären tıñlağız.

“Min bik xuplap qarşı alam bu yaña programmanı. Häm üzemneñ täqdimnärem dä bar: yazuçılar , şağirlär üzläreneñ äsärlären ,şiğerlären üzläre söyläsennär ide. Xalıq üzeneñ şağiren , yazuçısın yözennän tanırğa tieş. Ädäbi ostalıq, ädäbi janrlarğa qağılğan problemalı äyberlär bulsın ide. Talantlı millätpärwär yäşlärneñ icatları turında tapşırular, häm dä inde balalarıbıznı qızıqsındırırlıq tapşırular buldırırğa kiräk.Çönki ädäbi, mädäni sänğäti äyberlär belän balalarıbıznıñ iğtibarın cälep itmäsäk, bez alarnı bik tiz yuğaltırbız”,-dide ul.

“Yaña ğasır” televideniese başlağan bu fiker alışu cämäğätçelektä äle däwam itär.Yaz köne başlağan eşneñ däwamı uñışlı bulsın.

Azatlıq radiosı Mälikä Basıyr, Qazan.

XS
SM
MD
LG