Accessibility links

җомга, 9 декабрь 2016, Казан вакыты 20:35

Mäskäwdä “Rusiä xalıqlarınıñ assambleyası” dip atalğan ictimaği oyışmanñ öçençe syezdı bulıp ütte


Mäskäwdä “Rusiä xalıqlarınıñ assambleyası” dip atalğan ictimaği oyışmanñ öçençe syezdı bulıp ütte. Bu oyışma 1996nçı yılda Rusiä federasiäse prezidentı färmanı belän barlıqqa kilgän. Häm Rusiä Federatsiäsendä däwlätneñ milli konsepsiäsen raslawğa nigezlänep, “Xalıqlar duslığı - Rusiänen berdämlege” digän deviz astında oyıştırılğan.

1nçe martta ütkän bu syezdğa rusiäneñ barlıq töbäklärennän dä wäkillär çaqırılğan ide. Mäsälän Başqortostan belän Tatarstannan ğına da yegermegä artıq wäkil qatnaştı. Mandat komissiäse belderüenä qarağanda qup törle çit il ilçeleklärennän dä wäkillär qatnaşqan. Şulay uq küp törle milli mädäni moxtariät wäkilläre, däwlät duması Federatsiäse şurası Häm başqa dairälärdän dä wäkillär küp ide. Şulay uq bu rusiä külämendäge cıyılışqa törle din ähelläre dä çaqırılğan ide.

Dürt yıllıq töp xisabı belän bu “Rusiä xalıqlarınıñ assambleyası” citäkçese Ramazan Abdulatipov çıqtı.

Ul üzeneñ çığışında dürt yılda bulğan qazanışlarnı ataw belän bergä, assambleya tarafınnan xökümätkä täqdim itelgän proyektlarnın qabul itelmäwen, xökümät yağınnan rusiä xalıqları yazmışına iğtibarnıñ az buluın azsızıqlap ütte. Mäsälän, biş yıl inde rusiä xalıqlarınıñ yortı öçen Mäskäw xökümäte cir birergä aşıqmawın belderde. Däwlät duması niçä yıl inde assambleya täqdim itkän xalıqlarnıñ xoquqın yaqlawçı wäkil buldıru qanunın raslamawın äytte, şulay uq mäğärif ministrlığınıñ da assambleya tarafınnan täqdim itelgän küp törle programmalarğa da bitaraf qaraşın bilgeläde Ramazan Abdulatipov. Millätlär ministrlığın yuqqa çığaru da millätlärneñ mänfäğätlären sanğa suqmaw, dide ul. Milli üzençäleklärgä qarap cinäyätçelärne bilgeläw - rasizm, şul xällär Rusiä televidenieseneñ berençe Häm ikençe kanallarında küzätelä dide, Rusiä xalıqları assambleyası citäkçese. Xäzer anıñ çığışınnan özek täqdim itäm. Sez Ramazan Abdulatipovnı tıñladığız. Syezd Rusiä prezidentı , Federal' cıyılış Häm Rusiä xökümäte isemenä möräcäğätlär. Häm rezolyutsiä qabul itte. Rezolyutsiädä ber qızıqlı matdä turında ayırım äytäsem kilä. Syezd, rus xalqınıñ milli mädäniäten üsterü turında maxsus programma qabul itärgä kiräk dip sanıy. Rusiä xalıqları assambleyası ul programmanı Orenbur Häm Saratov ölkäläre belän berlektä eşkärtep, Rusiä Federatsiäse prezidentına häm xökümätkä täqdim itäçäk. Bu programma Häm ğomumän Rusiä xalıqları assambleyasınıñ öçençe syezdı xaqında Tatarstannan kilgän wäkil, fännär doktorı Damir İsxaqovnın üz fikere bar. Anı da tıñlap ütik äle. Sez Damir İsxaqovnı tıñladığız . Mäskäwdä ütkän Rusiä xalıqları assambleyasınıñ öçençe syezdı turındağı yazmanı “Azatlıq” radiosı öçen Näzifä Kärimova äzerläde.

XS
SM
MD
LG