Accessibility links

җомга, 9 декабрь 2016, Казан вакыты 14:35

Serbiä parlamentı Vojislav Koştunitsa xökümäten ralsaw mäs'äläsen qarıy


Serbiä parlamentı premyer ministr itep bilgelängän Vojislav Koştunitsa citäkçelegendäge yaña xökümätne ralsaw mäs'äläsen qarıy. Koştunitsa 28 dikäberdä saylanğan yaña parlamentqa 18 äğzadan torğan yaña xökümätne täqdim itte. Koştunitsanıñ Serbiä Demokratik Partiäse liberal häm monarxist partiälär belän koalitsiä tözü turında kileşte. Şul uq waqıtta, parlamentta citärlek yaqlaw alu öçen ul Elekke serb prezidentı Slobodan Miloşeviçnıñ Sotsialist partiäsenä dä tayana. Parlamentta çığış yasap Koştunitsa Serbiä häm Çernogoriä Yewropa Berlegenä quşılu yünäleşendä barırğa tieş dide. Koştunitsa şulay uq, suğış cinayätçelären ildäge mäxkamälärdä xökem itüne tizlätergä wäğdä birde. Ämma ul suğış cinayätlärendä şiklänelüçelärne Haagadağı BMO mäxkamäsenä tapşıru turında äytmäde.

XS
SM
MD
LG