Accessibility links

сишәмбе, 6 декабрь 2016, Казан вакыты 08:47

Tatarstan neçkäbilläre


Xäzer maturlıq yarışlarınıñ nindie genä yuq. Tatarstanda oyıştırılğan bu konkurs bik üzençälekle. Berençedän anda qatnaşu öçen zifa buylı, matur yözle bulu ğına citmi. “Neçkäbil” dip atalğan bu konkursta bäbi tapqan, bala üsterüçelär, yäğni änilär genä qatnaşa. Anıñ töp maqsatı - xatın-qıznıñ cirdä bulğan iñ möhim wazifasına - ğailä qoruğa häm dönyağa bala kiterügä cämğijat, bigräk tä yäşlärneñ iğtibarın yunältü.
“Neçkäbil” konkursınıñ oyıştıruçıları: respublikanıñ yäşlär häm sport ministrlığı, “ЕLAN-stil' mäktäbe” häm “AVT” kompaniäse. Bu konkurs respublikanıñ vize-premyerı Zilä Wälieva citäklägän “Tatarstan xatın-qızları” respublika cämäğät oyışması yärdämendä ütkärelä.
Konkursnıñ saylaw turında 300ләп äni qatnaşqan. 22 yäştän 45яшькә qadar bulğan aqıllı, çibär häm buldıqlı änilärneñ 17се genä yarım finalğa çıqqan.
3 martta Tatmedia agentlıysında “Neçkäbil” konkursına bağışlap ütkärelgän matbuğat oçraşuında konkursnıñ oyıştıru komitetı citäkçese İzol'da Juykova çığış yasadı. Ul konkursta qatnaşuçı xatın-qızlarğa alarnıñ ğailäläre bik zur ruxi yärdäm itüe turında äytte. Qayber xatın-qızlarnı irläre üzläre citäkläp alıp kilälär, balalar da konkursta teläp qatnaşalar ikän.
“Neçkäbil”dä qatnaşqan änilär barısı da diärlek yuğarı belemle. Alar arasında şäfqät tutaşı, tabiplar, xoquqçılar, filosoflar, muzıkantlar, ber administrator, xätta fännär kandidatı da bar. Şulay uq yort xuca-bikäläre dä oçrıy, läkin alar da yuğarı belemle häm alar da üz balalarına tieşle däräcädä tärbiä birälär. Kürenep tora - bu konkurs kübräk zıyalı xatın-qızlarnı cälep itkän.
“ELAN” stil' mäktäbe neçkäbillärne konkursqa äzerli, alarğa bik yaxşı itep söyläm kul'turası, xoreografiä, akter ostalıqları, matur yörü qağidäläre, makiaj, moda, psixologiä häm başqa däreslär uqıtıla. Tatmediada ütkän matbuğat oçraşuında konkursnıñ psixoanalitiğı Dilärä Safina äytüençä, bäygegä kilgän xatın-qızlar arasında säxnädä berqayçan da çığış yasamağannarı da bar. Qurqunı, üz köçeñä ışanmawnı ciñü häm ber mizgel eçendä üzeñneñ batırlığıñnı kürsätä belü, älbättä xatın-qızlarnı çınıqtıra. Ä 17 martta Piramida zalında ütkäreläçäk “Neçkäbil” yarışınıñ finalında bu sıyfatlar alarğa äle bik tä kiräk bulaçaq
Al'bina Zäynulla, Qazan.

XS
SM
MD
LG