Accessibility links

пәнҗешәмбе, 8 декабрь 2016, Казан вакыты 13:01

İzrail' boralağı Gaza Sızığında ber maşinağa ut açıp andağı 3 keşene üterde


Fälestin iminlek xezmätkärläre, xastaxanä xezmätkärläre häm şahitlär äytüençä, boralaq Netzarim isemle yähüd bistäse yanında bu maşinağa raketa atqan. İzrail' xökümäte wäkile Avi Pazner bu höcüm aqlana, çönki alar İzrail'gä qarşı terror ğämäle äzerlägän bulğan dip belderde AFP Hamas suğışçan törkemeneñ bu maşinadağı keşelärneñ öçese dä Hamas äğzası ide digän süzlären tapşırdı. Bügen İzrail'neñ üzäk statistika idaräse iğlan itkän itkän xisapqa qarağanda, okkupatsiälängän Fälestin cirlärendä yähüd bistäläre tözü bıltır 35 protsentqa artqan. Xalıqara cämäğätçelek täqdim itkän Yul xaritası dip ataluçı tınıçlıq planı isä İzrail'neñ okkupatsiälängän fälestin cirlärendäge tözeleşlären tulısınça tuqtatunı küz aldında tota. İzrail' premyer ministrı Ariel Şaron ägär dä Yul xaritasın tormışqa aşıruda tärräqiät bulmasa aldağı aylarda İzrail'neñ fälestinlelärdän beryaqlı ayırılu planın ğämälgä quyu belän yanadı. Uzğan ayda İzrail' yähüd bistälären arttıru öçen 20 million dollar birü qararın rasladı.

XS
SM
MD
LG