Accessibility links

Кайнар хәбәр

Yewropa Şurasınıñ Törkiä turındağı xisabında Törkiäneñ reformalarğa tuğrılıqlı buluı tanılır dip kötelä


Reuters agentlığı bu xisapnıñ ölgesen qulğa töşerüe turında äytep, anda qayber citeşsezleklär turında da äytelä di. Mäs'älän, säyäsi partiälärneñ yuqqa çığuı däwam itü turında äytelä, partiälärneñ parlamentqa kerüe öçen quyılğan kirtäneñ 10 protsent däräcäsendä buluı artıq yuğarı dip bäyälänä. Bügen keşe xoquqların yaqlawçı Human Rights Watch törkeme Törkiädäge reformalar barışı turında küpkä tänqitçänräk xisap iğlan itte. Bu oyışma Törkiädä keşe xoquqların saqlaw yünäleşendä tärräqiät buluın tanısa da, azaplawlarnı, politsiäneñ qıynawların häm süz iregen tıyunı tänqitli. Bügen Britaniä tışqı eşlär ministrı Jack Straw Törkiäneñ Yewropa Berlegenä quşılu niäten yaqlıym dip belderde Yewropa Berlege illäreneñ tışqı eşlär ministrları kiläse düşämbe könne Ankarada cıyılıp Törkiädäge reformalar barışı turında söyläşäçäk.
XS
SM
MD
LG