Accessibility links

җомга, 9 декабрь 2016, Казан вакыты 12:48

Ägär ğiraqlılar sorasa, NATO Ğiraqqa üz ğäskärlären cibärergä äzer


NATO general' sekretare Jaap de Hoop Scheffer ägär dä bu cäydä xakimiätne üz qulına alaçaq Ğiraq xökümäte sorasa, bez Ğiraqqa üz ğäskärlärebezne cibäräçäkbez dide. Warşavada çığış yasap de Hoop Scheffer Ğiraqqa totrıqlandıru köçläre bularaq NATO ğäskärlären cibärü öçen şulay uq BMOnıñ fatixası da kiräk bulaçaq dip äytte. Pol'şa Ğiraqnıñ könyağında 9 meñ keşelek xalıqara köçlär citäkçelegen Pol'şadan NATOğa küçerüne soradı. De Hoop Scheffer belän bergä çığış yasap Pol'şa premyer-ministrı Leszek Miller Pol'şa üzeneñ Ğiraqtağı ğäskärlären mömkin qädär tizdäk ilgä qaytarırğa teli dide. Şul uq waqıtta ul ğäskärlärne çığaru qararı barı tik suveren Ğiraq xökümäte xakimiätne üz qulına alğannan soñ ğına bulırğa dieş dip äytte. Ğiraqtağı AQŞ waqıtlı idaräse 30-nçı iyündä xakimiätne Ğiraq xökümätenä tapşırırğa cıyına.

XS
SM
MD
LG