Accessibility links

шимбә, 10 декабрь 2016, Казан вакыты 06:04

Ğiraq İdarä Şurası AQŞ citäkçelegendäge koalitsiädän östämä iminlek çaraları kürüne soradı


Ğiraq İdarä Şurası başlığı Möxämmät Bahr äl-Uloum sişämbedäge terror höcümnärennän soñ Ğiraqta AQŞ citäkçelegendäge koalitsiä iminlek tä'min itü öçen kübräk tırışırğa tieş dide. Bahr çığışına qädär Ğiraqtağı AQŞ waqıtlı idaräse başlığı Paul Bremer iminlekne arttıru öçen Ğiraqnıñ däwlät çiklärendä östämä çaralar küreläçäk dide. Bremer sişämbe könne Bağdad häm Kerbala şähärlärendä bulğan şartlawlar öçen çittän kilgän suğışçılarnı ğäyepläde. Bahr äytüençä, sişämbedäge şartlawlar näticäsendä 171 keşe hälak bulğan, 400-läp keşe yaralanğan. Koalitsiä köçläre häm Ğiraq xakimiätläre bu şartlawlar uñayınnan, äl Qaidä belän bäyle dip şiklänelgän Musab äz-Zärqäwinı ezläwläre turında belderde. Ğiraqtağı Pol'şa xärbiläre soñğı atnalarda äl-Qaidä belän bäyle buluda şikle 7 keşene qulğa aluı turında belderde. Alarnıñ ikese Zärqäwigä bäyle buluda da şiklänelä. AQŞ xärbiläre 14 keşelek wahhabi törkemen qulğa aluı turında iğlan itte.

XS
SM
MD
LG