Accessibility links

шимбә, 10 декабрь 2016, Казан вакыты 02:21

Germaniä Yuğarı mäxkamäse 11 sintäberdäge terror ğämäle öçen ğäyeple tabılğan Mönir äl Motassadiqnı yañadan xökem itärgä quştı


Germaniä mäxkamäse 2001-neñ 11 sintäberendä Quşma Ştatlarğa qarşı terror ğämälendä ğäyeplänle tabılğan morokkolı Mönir äl Motassadiqnı iregennän mäxrüm itü qararın kire qağıp yaña xökem oyıştırırğa quştı. Motassadiq 2001 yılda 3 meñläp keşene üterügä qatnaşı buluda häm terror oyışması äğzası buluda ğäyeple tabılıp bıltır 15 yıllıq törmä cäzasına xökem itelgän ide. Appelyatsiä mäxkamäse Quşma Ştatlarnıñ Motassadiq advokatlarına töp şahitne söylätügä kirtä quyuı ğädelsezlek bulğan diep advokatlarnıñ möräcäğäte belän kileşte. Bügen advokat Gerhard Strate bu qararnı möhim adım dip bäyäläde:

AUDİO: Bu qarar Yuğarı mäxkamäneñ möhim qararlarınnan berse. Bu qarar terrorçılıq häm anıñ wäxşileklärenä bäyle mäs'älälär qaralğanda, qanun nigezendä däwlätneñ üz prinsiplarınnan çigenmäskä, ul prinsiplarnı saqlarğa tieşlegen açıq kürsätte, xätta berär keşe terror oyışmasına bäyle buluda şiklänelgän oçraqta da.

11-nçe sintäber höcümnärennän zıyan kürüçelärneñ advokatı Andreas Schulz üz möştäriläreneñ bügenge qarardan qänäğät bulmayaçağın belderde:

AUDİO: Amerikalı möştärilär bu qarardan qänäğät bulmayaçaq. Alar Germaniä däwläteneñ ğäyeplänüçegä qarata mönäsäbäten añlamıyaçaq, çönki bu açıq ta tügel, añlayışlı da tügel.

Mäxkamä räsmiläre äytüençä, Motassadıyq yañadan başqa xäkimnär şurası tarafınnan xökem iteläçäk. Yaña mäxkamäneñ köne tizdän iğlan iteler dip kötelä.

XS
SM
MD
LG