Britaniä tışqı eşlär ministrı Jack Straw bügen Paqstan räsmiläre belän atom texnologiälären taratmaw mäs'äläläre turında açıqça söyläşülär ütkärüe turında belderde.
İslamabadta Paqstan tışqı eşlär ministrı Xörşid Kasuri häm prezident Pärwäz Möşärräf belän oçraşuda soñ Straw İran, Liviä häm Tönyaq Koreağa qoral texnologiälären tapşıruın tanığan ölkän atom belgeçe Abdul Qarıyr Xan eşe uñayınnan baruçı tikşerülärdän qänäğät buluın belderde.
Paqstan Qadir Xannı yarlıqap, atom texnologiäläre taralunı tuqtatırğa wäğdä birde. Paqstannıñ atom programmasına nigez salğan häm küp yıllar buyı anı citäklägän Qadir Xan alarnı satudan şäxsi tabış kürgän dip isäplänelä.
Straw şulay uq Paqstannıñ Xalıqara Atom Energiäse İdaräse belän xezmättäşlegenä dä qänäğätlek belderde.
Straw Paqstan belän Hindstan arasında uzğan ayda yañartılğan tınıçlıq söyläşülärenä teläktäşlek belderde, Paqstannıñ äl-Qaidä terror çeltärenä qarşı ğämällären xupladı.
