Accessibility links

якшәмбе, 11 декабрь 2016, Казан вакыты 17:03

Xakimiät firqäse yäşlärne saylawlarğa çaqıra


4nçe martta yäşlär eşläre ministrlığı häm xakimiät firqäseneñ yäşlär qanatı ictimaği forum ütkärde. Anda çara 2003 yılda, 7nçe dekaber saylawları aldınnan uzdırılğan ide. İnde monısınıñ maqsatı - 14 mart saylawlarına iğtibarnı cälep itü ide.

«Basketxoll»nıñ mäxäbbät binası därtle muzıka häm yäşlärneñ qıçqıruı, qul çabularınnan selkenep tordı. Yäşlärneñ iğtibarın cälep itü öçen, bu forumnı oyıştırğan ministrlıq Mäskäw artistların çaqırğan häm şuşı konsertqa biletlarnı yuğarı uqu yortlarında uquçılarğa buşlay taratqan. «Zö-läy-lä» törkeme dä anda buldı häm tatarça cır cırlap, xakimiät firqäseneñ siğärlären qabatladı.

Xakimiätne saylawçılarğa tanıtu eşendä yäşlär oyışmaları citäkçeläre, xärbilär dä qatnaştı. Soñğıları mäsälän, egetlärne armiägä barırğa çaqırdı. Alarğa bu eştä, cırlar häm biülär belän «Qazan yegetläre» törkeme yärdäm itte, alar belän bergä Mäskäwdän kilgän häm yäşlär arasında bik populär bulğan 2 muzıkal törkem dä cırların başqardı. Tantananıñ axırında Tatarstan Prezidentı da çığış yasadı. Mintimer Şäymiev, yäşlärgä möräcäğät itep, alarnı saylawlarğa barırğa qaçırdı.

Äytergä kiräk xakimiätlär oyıştırğan bu çarada, «Uñ köçlär berlegennän», deputatlıqqa nämzät Sergey Yuşko da çığış yasadı.

Bikä Timerova, Qazan

XS
SM
MD
LG