Accessibility links

Кайнар хәбәр

2-3 martta Mäskäwdä BDB illäreneñ dinnärara forumı uzdı


Dinnärara tınıçlıqqa öndäw forumı Mäskäwdä ikençe tapqır ütkärelä inde. Berençe forum dürt yıl elek uzdırılğan bulğan. Oyıştıruçılarnıñ äytüenä qarağanda öçençe forum tağı öç yıldan Azärbaycan başqalası Baquda ütärgä tieş. Bu xalıqara din ähelläre oçraşuı näticäsendä maxsus doqument qabul itelgän häm anda şundí yullar bar:” Berençe forumnan soñ inde durt yıl waqıt uzıp kitte. Şul waqıt eçendä dönyä küp törle qayğılı waqíğalarğa duçar buldı. Ul xällär törle dinnärneñ üzara tatulığına da üzenä kürä ber imtixan yasadı. Häm dönyä tınıçlığı - iqtisadi, säyäsi, ictimağí säbäplär belän quzğatılğan qarşılıq aldına kilep bastı. Şuşı wazgíätta dönyäda totrıqlılıq urnaştıruda häm sívilizasílar bäreleşen kiterep çığarmawda dinnär arasında dialog xälitkeç urın alıp tora”, dielgän. Forum şulay uq qayber matbuğat çığanaqlarınıñ ber dinne ikençe dingä qarşu quyu säyäsäten tänqítläp çıqqan häm bu cähättän borçıluın beldergän. Häm forum qabul itkän dokumentta şulay uq, çınlap ta dinne totqan keşelär berqayçan da terror yulına basmayaçaqlar, terrorçılar dinnärennän waz kiçkän keşelär. Terror belän köräştä xäkimiätkä bez üzebezneñ teläktäşlegezne belderäbez, dielgän. Dinnärneñ nigezendä tınıçlıqnı saqlaw yata, şunın öçen dä küpçelek xalıq tota torğan tradísíon dinnär, terrorçılıqqa cälep itelgännärne tınıçlıqqa çaqıra. Keşelärneñ bäğerläre, qatılanu, üzara doşmanlıqqa öndäw, dini, äxläki normalardan çitkä kitüne kürsätüçe dälil. Bez xristiannarğa , möselmannarğa, yähüdilärgä häm budda dinen totuçılarğa möräcäğät itep, üzara tınıçlıq, tüzemlek saqlarğa çaqırabız dielgän forum qabul itkän dokumentta. Oçraşu digezendä BDB illäreneñ dinnerara şura tözelgän. Häm alar prezidum belän başqarma qömitet ta saylağannar. Bu forumğa xökümät tarafınnan da zur iğtibar bulğan. Forumğa qotlawların Rusiä prezidentı Vladimir Putin belän Äzerbaycannan, Ärmänstan, Gruziä, häm başqa illärneñ dä prezidentları yullağan.

Näzifä Kärimova, Mäskäw
XS
SM
MD
LG