Accessibility links

шимбә, 10 декабрь 2016, Казан вакыты 12:04

Tatarstan uqıtuçıları tärbiä turında söyläşä


8 mart – Xalıqara xatın-qızlar köne dini bäyräm bulmasa da, xäzer ul inde islam dinen totuçılar arasına da kerep bara. Comğa könne Azatlıq radiosınıñ Qazan byurosına Aq qalfaq, möselman tatar xatın-qızları häm respublikanıñ däw äniläre oyışması äğzäse Saidä xanım Appaqova şaltırattı. Ul böten güzäl zatlarnı bäyräm belän qotladı häm tıñlawçılarğa üzeneñ xäbären dä ireşterde. Bäyräm uñayınnan häm dini, tärbiä ölkäsendäge uñışlı eşçänlege öçen respublikanıñ däw änilär oyışması Räşidä abıstay İsxaqovağa räxmät xatı yullağan. Şulay itep, respublikanıñ däw änilär oyışması Räsidä xanımnıñ yäşlärne tärbiäläwgä kertkän öleşen bilgeläp ütkännär.



Ä menä Tatarstannıñ Mäğärif ministrlığı pänceşämbe könne kiläçäk buınnı tärbiäläwçe genä tügel, belem birep, uqıtıp ta çığaruçılarnı cıyıp söyläşte. Süz respublika mäktäplärendä eşläwçe klass citäkçeläre turında bara. 4 mart könne alar Qazanğa üzläreneñ berençe respublika seminar-kiñäşmäsenä cıyıldılar. Uqıtuçılar başqala mäktäplärendä klasstantış çaralar qaradılar, ber-berse belän aralaştılar, tärbiä birü kebek xäzerge köndä bigräk tä awır eştä täcribäläre belän urtaqlaştılar. Könne ikençe yartısında kiñäşmädä qatnaşuçılar respublikanıñ Fännär akademiäse binasında plenar utırışqa cıyıldılar. Anıñ eşendä Mäğärif ministrı Färis Xarisov, premyer-ministr urınbasarı Zilä Wälieva, xätta Däwlät Şurası räise Färit Möxämmätşin dä qatnaştılar. Rusiä ministrlığınnan kilgän wäkil mondıy Tatarstanda tärbiä eşe belän şundıy däräcäle citäkçelärneñ qızıqsınğanına aptırap, bezneñ uqıtuçılarğa xätta könläşüen dä äytte. Ä Zilä Wälieva isä, barlıq cıyıluçılar aldında üzeneñ küpsanlı klass citäkçelären sanap kitep, alarnıñ barısın da bik yaxşı xäterläwen äytte. Färit Möxämmätşin dä bu könne saylawlar turında söylämäde disäñ dä bula. Anıñ çığışı tärbiä eşeneñ bik awır, läkin ütä dä möhim buluı, bu eşkä barı tik mäktäpkä genä tügel, ä kübräk ata-analarnıñ cawaplı buluları xaqında ide. Äytergä kiräk, ul respublikada tatar teleneñ yazmışına da iğtibar itte. Bernindi dä qıyınlıqlarğa qaramıy, bez tuğan telne saqlaw häm üsterü östendä eşlärgä tieş, balalar şul isäptän milli tärbiä dä alsınnar ide, dip söyläde ul.



Gölnaz İlgizär

XS
SM
MD
LG