Accessibility links

дүшәмбе, 5 декабрь 2016, Казан вакыты 07:34

Matbuğat küzätüe


5 martta çıqqan här gäcittä Xatın-qızlar bäyräme uñayınnan qotlawlar, täbrikläwlär, tanılğan häm tanılmağan xatın-qızlar xaqında yazmalar urın alğan. Mädäni comğada, mäsälän, uquçılar Ğäliäskär Kamal teatrı artistkası Daniä Nurlı, Minzälä drama teatrı artistkası Venera Niğmätullina belän yaqınraq tanışa, Qazannıñ Mäskäw rayonı xakimiäte citäkçese Güzäliä Minkinanıñ qotlaw süzlären uqıy ala. Şulay uq Mädäni comğada Yazmışlar yarında rubrikasında Balıq Bistäse rayonında yäşäwçe 80 yäşlek Mäğrüfä äbi turında yazma da urnaştırılğan. Balaları – bäxet qanatları isemle mäqälädä ire Ğäbdeläxät abzıy belän 11 bala üstergän älege xanımnıñ awır tormış yulı taswirlana. Annan tış, gäcittä xatın-qız şağirälärneñ icatı urın alğan. Anda Klara Bulatova, Bikä Räximova, Sälisä Gäräeva häm başqalarnıñ şiğerlären uqıp, Näcibä Safinanıñ icatı häm üze belän tanışıp bula. Watanım Tatarstannıñ 5 mart sanında Luara Şakircannıñ Şäkert süze dip isemlängän yazması iğtibarğa layıq. Anda süz tanılğan akter, rejisser, talantlı şäxes Räfqät Bikçäntäev turında bara. Yıraqtağı yaqın qärdäşlär rubrikasında Penza ölkäseneñ Urta Äläzän awılında yäşäwçe millättäşebez Kiyazim Deberdeev xaqında yazma urın alğan. Ul Tatarstan bezdä başlana dip atala. Ä publitsist Räşit Ğärif rus milli ideyası xaqında fikerlären ireşterä, xalıqqa milli maqsatnıñ kiräklege turında yaza.

Gölnaz İlgizär

XS
SM
MD
LG