Elekke eş urını Brüsseldän qaytqannan birle älegä qädär xökümät binasındağı Duma räise bülmäsendä utırıp torğan Mixail Fradkov comğa könne inde premyer-ministr kabinetına küçte - Däwlät Dumasında ütkän tawış birüdä anıñ premyer-ministr buluın 352 deputat yaqladı, 58-e qarşı buldı, 24-e totılıp qaldı. Üzen şulay yaqlawğa cawap itep Fradkov yaña xökümätneñ Duma belän qanunnar çığaru ölkäsendä tağın da nığraq xezmättäşlek itäçägen ışandırdı. Xäzer inde ul turıdan-turı şul yaña xökümätne qoru eşenä kereşä ala, älegä anıñ berençe urınbasarı itep bötenläy yaña keşeneñ, Duma deputatı, elek anda büdjet komitetın citäklägän Aleksandr Jukovnıñ bilgelänäçäge genä mäğlüm ide. Moñardan tış Fradkov elekke belderülärendä xökümätneñ eçke tözeleşen üzgärtergä cıyınuı xaqında da äytkän ide. Bu andağı törle ministrlıqlar häm däwlät komitetları sanın kisken kimetüne, xökümät apparatında eşlägän xezmätkärlärne dä qısqartunı añlata. Şulay itep yaña premyer-ministr üze citäklägän xökümätneñ küpkä näticäleräk eşläwenä ireşergä teli häm här yaña citäkçe telägen - bürokratiäne mömkin qädär azraq itärgä cıyınuın belderä. Dumada ul, Jukovtan tış başqa vitse-premyerlarnıñ bulmayaçağın, härxäldä älegä alar sanın arttırırğa telämäwen äytte. Moñardan tış Mixail Fradkov, İqtisadi üseş, Däwlät milke, İndustriä häm fän, başqa berniçä şundıy ministrlıqlarnı berläşterep, iqtisadi reformalar belän şöğellänäçäk superministrlıq qorırğa cıyınuın xäbär itte. Transport häm timer yullar ministrlıqların da berläşterü küz aldında totıla. Läkin üz xökümätenä şundıy ğädättän tış zur maqsatlar quyuına qaramastan, Mixail Fradkovnıñ möstäqil säyäsät alıp barmayaçağı, idarä dilbegäläreneñ xäzer tulısınça prezident idaräsendä buluı belgeçlärdä şik uyatmıy. Ul prezident Putinneñ kürsätmälären ütäwçe texnik xezmätkär genä bulaçaq dip uylawçılar da bar. Mäskäwdäge Strategik tikşerenülär üzäge mödire Andrey Piontkovski şularnıñ berse.
Audio, Andrey Piontkovski
Şulay itep, Piontkovski, yaña premyer bik caylı figura, üz qaraşları belän dä, çığışı belän dä ul "siloviklarğa", yäğni qüwät ministrlıqlarına yaqın, alay ğına da tügel, qayber belgeçlär anıñ äle yäş çağında KGBda eşläwe xaqında da söyli dip belderä. Şulay itep Vladimir Putin ikençe prezidentlığın xakimiateneñ iñ yuğarı noqtasına citkän xäldä başlıy - Däwlät Duması häm Federatsiä Şurası tulısınça diärlek anıñ qaramağında, yaña premyer-ministr tulısınça anıñ üz keşese, ä menä Mixail Kasyanov turında monı alay äytep bulmıy ide. Soñğı aralarda Kasyanovnıñ Putin belän şaqtıy ğına tirän qarşılıqları çıqtı. Bu bigräk tä "Yukos" tiräsendäge xällär sürätendä yaxşı kürende. Yänä Andrey Piontkovski:
Audio, Andrey Piontkovski
Mixail Fradkovtan, härxäldä yaqın aralarda, mondıy "fetnäçelek"ne kötep bulmıy, älbättä.
Kärim Kamal, Praga
Audio, Andrey Piontkovski
Şulay itep, Piontkovski, yaña premyer bik caylı figura, üz qaraşları belän dä, çığışı belän dä ul "siloviklarğa", yäğni qüwät ministrlıqlarına yaqın, alay ğına da tügel, qayber belgeçlär anıñ äle yäş çağında KGBda eşläwe xaqında da söyli dip belderä. Şulay itep Vladimir Putin ikençe prezidentlığın xakimiateneñ iñ yuğarı noqtasına citkän xäldä başlıy - Däwlät Duması häm Federatsiä Şurası tulısınça diärlek anıñ qaramağında, yaña premyer-ministr tulısınça anıñ üz keşese, ä menä Mixail Kasyanov turında monı alay äytep bulmıy ide. Soñğı aralarda Kasyanovnıñ Putin belän şaqtıy ğına tirän qarşılıqları çıqtı. Bu bigräk tä "Yukos" tiräsendäge xällär sürätendä yaxşı kürende. Yänä Andrey Piontkovski:
Audio, Andrey Piontkovski
Mixail Fradkovtan, härxäldä yaqın aralarda, mondıy "fetnäçelek"ne kötep bulmıy, älbättä.
Kärim Kamal, Praga