Accessibility links

якшәмбе, 4 декабрь 2016, Казан вакыты 09:18

Makedoniä prezidentı Boris Trajkovski Skopeda cirlände


Ber atna elek oçqıç qazasında hälak bulğan Makedoniä prezidentı Boris Trajkovski bügen Skopye zıyaratında cirlände. Cenazada meñnärçä makedoniäle, şulay uq AQŞ, Rusiä, Britaniä, Qıtay, NATO häm kürşe illärneñ räsmiläre qatnaştı. Yewropa komissiäse prezidentı Romano Prodi Trajkovski ilne Yewropağa integratsiäläw yulınnan alıp bardı häm Makedoniä citäkçeläre şul eşne däwam itärgä tieş dide:

AUDİO: Bügen bez Boris Trajkovski öçen matäm totabız. Ämma bez bu ilneñ säyäsi kiläçägenä ömet bağlıybız. Başqaça mönäsäbät Borisnıñ ğömere buyı yaqlap köräşkän ideallarına layıq tügel. Anıñ faciğäle üleme barıbız öçen dä yuğaltu buldı.

Makedoniä premyer ministrı Branko Crvenkovski il kiläçäktä dä totrıqlı bulıp qalaçaq häm Trajkovski citäkçelegendä Yewropa oyışmaları belän tığızraq elemtädä bulu öçen barğan yuldan taypılmayaçaq dide.

XS
SM
MD
LG